DILI: Tuir dadus husi Ministériu Saúde (MS), liu husi Departamentu Vijilansia Epidemolijia, iha loron 5 fuan-Abril labarik na’in rua (2) mate tan, ho nune’e kazu mortal husi moras dengue sa’e ba 50.

DILI: Prezidente Partidu Demokrátiku, Mariano Assanami Sabino apresia ba jornal INDEPENDENTE ne’ebé durante ne’e servi ona públiku liu husi informasaun ne’ebé públika lorloron.

DILI: Prezidente Kamara Komersiu Industria Timor-Leste (CCI-TL) no asionista Jornal INDEPENDENTE, Oscar Lima, sente orguilu ho ezistensia jornal INDEPENDENTE ba tinan 11.

Oscar hatete, maske jornal INDEPENDENTE nu’udar jornal kiik ida maibé nia konsege mantein to’o ohin loron.

“Ha’u sente katak apesar jornal ida ki’ik maibé nia mantein i kontinua nafatin to’o ohin loron ne’e di’ak. Ha’u fó parabens ba jornalista sira tomak ne’ebé mak servisu iha Jornal INDEPENDENTE,” dehan nia iha knar fatin, Bebonuk, Sesta (01/04). 

Oscar hatete, nia sempre sama atensaun ba jornalista sira katak bele faan jornal mais labele faan jornalista nia aan.

“Maibé ha’u sente orgullu tanba prontu ha’u mós halo parte ida grupu jornal INDEPENDENTE i ha’u mos asionista iha ne’ebá, ha’u sente orgullu ne’e tanba problema jornalista sira-nia hakerek ne’e loron ba loron jornalista sira komesa hakerek tetun ne’ebé ke di’ak, uluk primeiru ne’e komplikadu uitoan, ita foin mak loke primeiru ne’e komplikadu uitoan maibé ita hadi’a aan, hadia aan,” dehan nia.

Maske nu’udar asionista ba jornal INDEPENDENTE, Oscar dehan, durante ne’e nia nunka halo intervensaun ba parte redasaun nian.

“Ha’u hakarak hatete ha’u fó parabéns ba diresaun ne’e, tanba buat ida sira la husik ami nain sira ne’e atu intervee iha ne’ebá, ne’e di’ak, se ami mak hakarak intervee ami dada hotu ami-nia ema sira ne’e ba politika, konforme ami-nia hakarak. Tanba ida ne’e ami mós bandu katak sira mós labele dada fali ba sira-nia maluk politiku sira, ne’e ida ne’e de’it, ida ne’e ba ha’u sente di’ak tebtebes,” dehan nia.

Nia mós apresia ho obra jornalistiku ne’ebé jornal INDEPENDENTE públika no konsege hetan premiu.

“Jornal INDEPENTE ki’ik maibe to’o hetan premiu hela de’it, buat sira ne’e purke nia hakerek di’ak mak ema hotu bele fó premiu ida ne’e,” dehan nia.

DILI: Organizasaun Naun Governamental (ONG), Fundasaun Mahein (FM), kongratula ezistensia jornal INDEPENDENTE ba tinan 11. Husu atu jornal INDEPENDENTE mantein kualidade notisia no kontinua sai imparsial.

DILI: Iha tempu ohin loron ho mudansa teknolojia, media konvensional hetan ameasa boot husi ezistensia media dijital ka online sira. Tan ne’e, media konvensional sira presiza buka mekanismu di’ak atu bele kontinua ninia ezistensia.