Membru husi grupo AFAMA Luisa Ximenes hatete, asaun karidade nee atu komemora loron FALINTIL ba dala 48 iha loron 20 Fulan-Agusto ne'ebé kada tinan AFAMA sempre halo iha fatin-fatin.
“Asaun karidade ida ne'e tinan-tinan ami sempre halo iha fatin-fatin, agora dadauk fahe ba komponente hotu ida-ida la'o tuir nia diresaun, tan nee ohin husi Kuartel, Polisia Militar no Aero mak tomak konta iha klinika fatin rua nee,” dehan Luisa ba Jornalista sira iha Sentru Saude Komoro, Kinta (17/08).
Luisa Ximenes dehan, Sasan neeba AFAMA apoiu ba iha pasiente sira mak nesesidade bazika ba inan-isin rua no labarik sira. Sasan sira hanesan, popok, tolla, sabaun ba bebe no inan nia, rinso no softex.
Iha fatin hanesan, Parteira husi Sentru Saude Kumoro, Ona Pereira senti kontenti tanba ho asaun sira nee bele tulun inan sira, tan dalabarak inan sira neebé ba partus iha sentru saude sira la iha perparasaun neebé diak.
“ami kontenti tebes ho vizitasaun husi grupo AFAMA ida nee, nee hanesan prezente ida nebe furak tebes mai ami, atu komemora loron FALINTIL nian tan nee ho asaun ida hanesan nee ami prezisa tebes hodi tulun inan-sira,” nia hakotu.
