DILI: Governu liu husi Ministeriu Administrasaun Estatal (MAE), Miguel Perreira Carvalho, fasilita kareta 10 ba Autoridade Munisipiu Dili, hodi hala’o servisu iha terenu ho diak.

DILI: Governu liu husi Ministeriu Administrasaun Estatál (MAE), distribu ona ekipamentu eletróniku ba suku 31 iha Dili laran.

DILI: Ministériu Edukasaun Juventude no Desportu (MEJD) adia ezame dahuluk nian bá estudante sira hahú husi ensinu primaria to’o ensinu sekundaria iha territóriu laran tomak.

Tuir Ministru Edukasaun Juventude no Desportu, Armindo Maia, hatete, tuir lolos kalendariu ba ezame dahuluk nian sei hala’o iha loron 18 fulan-Abril tinan nee, maibé tanba relasiona ho kampaña eleisaun prezidensial ba segundu ronde nian, entaun adia fila fali.

“Ha'u fó ona orientasaun atu adia ita nia ezame dahuluk nian bá territoriu nasional tuir lolos iha fulan abril, maibé relasiona ho ita nia kampaña eleisaun entaun ita sei adia fila-fali kalendariu ezame nian, atu nunee labele prejudika ba iha ita nia estudante sira nia estudu,” dehan nia ba Jornalista sira iha Palasiu Governu, kuarta horseik (30/03).

Nia dehan, aleinde, adia ezame dahuluk nee mós laos deit tanba kampaña eleisaun prezidensial nian, maibé mós tanba iha ona semana santa ba paskua nian, nunee, nudar ema katolika tenki kumpre regras husi igreja.

Enkauntu, Ministru ne'e hatutan, adia kalendariu ba ezame nee laos to’o fulan ida, maibé depois kampaña no eleisaun remata, sei tama kedas ba ezame.

Entretantu, tribunal rekursus anunsio ona rezultadu apuramentu nasional husi CNE, katak, Kandidatu Prezidente Republika na'in José Ramos Horta no Fransisco Guterres Lú Olo mak sei avansa ba segundo volta eleisaun prezidensial iha fulan abril tinan nee.

DILI: Iha loron 29 marsu 2022, mais ou menus tuku 17:00 otl, akontese udan boot iha Dili laran, hodi hamosu inundasaun no mós rezulta  labarik mane ida ho naran kompletu Joaquim Guterres Soares ho idade tinan sia (9) monu iha valeta area manleu nian, ikus mai labarik nee lakon vida.