Enkuantu, funsionarius na’in hirak ne’e kompostu husi feto na’in ualu (8) no mane na’I sia (9).
Formasaun ne’e hala’o durante semana tolu hahú husi loron 06 fulan Agustus to’o 01 Setembru tinan 2023.
Tuir Diretór Formasaun Profesional INAP, José de Araujo Chan, hatete, formasaun indusaun jerál obrigatório ne’ebé fornese ba funsiunáriu públiku rekrutamentu foun ho nia objetivu atu introdus ambiente administrasaun públiku ho nia sistema birokrasia ne’ebé Timor-Leste adopta.
“Fó mós koñesimentu ba funsiunáriu públiku hodi hatene sira nia dever no direitu, atu forma karakterístika funsiunáriu públika nu’udar servidor estadu no povu no mós atu forma karakterístika funsiunáriu públiku iha espíritu nasionalismu no patriotism,”dehan nia iha komunikadu ne’ebé Online INDEPENDENTE sita.
Nia hatutan, partisipante ba formasaun indusaun obrigatoriu tinan ida ne’e hamutuk 292 funsiunáriu, ne’ebé kompostu husi mane na’in 157 no feto 135, mai husi liña ministerial, haree ba númeru ne’ebé boot tebes, tanba kursu indusaun tinan 2023 halo faziadu, faze dahuluk 157 no faze daruak na’in 135.
Faze dahuluk mak hahú iha loron 7 fulan Agostu no sei ramata iha loron 1 fulan Setembru tinan 2023, benefisiariu sira kompostu husi mane 67 no feto 73, benefisiariu sira mai husi Ministériu Saúde na’in 34 kompostu husi man na’in 17 no feto 17, husi Ministériu Planeamentu Investimentu Estratéjika (MPIE) na’in 43, mane 23 no feto 18, Komisaun Funsaun Públika na’in 27 mane 13 no feto 13, UNTL na’in 16, mane na’in neen no feto 10.
Husi Sekretáriu Estadu Igualdade na’in ualu (8) mane tolu no feto lima, IADE na’in 7, mane neen no feto ida.
Prokuradór Jerál Repúblika na’in lima, MPM na’in haat, IPB na’in rua no MNEK na’in rua.
“Durasaun ba kursu indusaun tinan 2023 sei halo durante loron 20,”tenik nia.
Iha fatin hanesan Diretór-Jerál INAP, Agostinho Letêncio de Deus, hatete, total funsiunáriu publiku kursu indusaun ba tinan 2023 iha na’in 293.
“Husi na’in 293 ne’e, ita fahe ba faze rua tanba ita nia espasu mak limitadu, ho nune’e faze partisipante ne’ebé tuir ba faze dahuluk ne’e iha 176 no faze tuir mai iha 175 pesoas, formasaun ida ne’e ita bolu formasaun indusaun , katak formasaun inisiu ne’ebé ita fó ba funsiunarius sira ne’ebé foin rekruta para sira bele hatene sira nia direitu no dever,” dehan DJ.
DJ haktuir, materia importante sira fahe ba tolu mak hanesan, materia ida kona-ba sira nia koñesimentu jerál nasionalismu no patriotismu, tanba hanesan funsiunáriu públiku tenki servisu ho sensu patriotismu nian no nasionalismu nian.
“Ita mós fó koñesimentu ba sira kona-ba admisnistrasaun públika no koñesimentu jerál liga ho anti korupsaun, provedoria direitus umanus no mós igualdade jéneru, iha tipu mateia segundu mak ita ba ona iha materia ne’ebé ko’alia kona-ba Direitus no Deveres, ne’ebé ita hahú ho institutu funsaun públika, sira nia direitus seda, sira nia deveres seda, ita liga mós ho materia sira ne’ebé maka liga ho sira nia knaar loro-loron nian, ezemplu sira nia lisensa anual bainhira no lisensa loro-loron, ita mós hare’e kona-ba sira nia prosesu siguransa sosiál ne’ebé funsiunáriu públiku sira ida-idak tenki involve, no karakteristik materia ba datoluk ne’e maka ita bolu unidade de orden, ne’e ita servisu hamutuk ho PNTL sira, akademia polisia atu fó mós unidade de orden ba sira liga ho sira nia disiplina,”esplika DJ.
Formasaun indusaun ida ne’e, depende ba rekrutamentu, kuandu iha rekrutamentu siknifika iha formasaun, tanba formasaun ida ne’e fó deit ba sira ne’ebé mak foin hahú rekruta.
Entretantu, iha abertura ne’e, Prezidente Komisaun Funsaun Públika, Faustino Cardoso, kongratula DJ-INAP ho ninia ekipa ne’ebé prepara ona kalendariu formasaun ba funsionariu sira.
