Governu Aprova Ona Orsamentu Retifikativu

Novembru 26, 2024

Governu Aprova Ona Orsamentu Retifikativu ^Featured

By Ekipa INDEPENDENTE Agostu 09, 2023 998

Membru IX Governu Konstituisional Partisipa iha Reuniaun Konsellu Ministru ne’ebé Prezide husi Primeiru Ministru Kay Rala Xanana Gusmão, kuarta ne’e (09/08/23). Foto:Media Gabinete PM.

DILI: IX Governu Konstitusionál liu husi reuniaun Konsellu Ministru, iha loron 9 fulan-Agostu tinan ne’e, aprova ona orsamentu ratifikativu 2023 nian.

Orsamentu ne’e hetan aprovasaun iha Konsellu Ministru hafoin halo diskusaun no aprovasaun ba projetu proposta lei ba alterasaun dahuluk Lei nú 15/2022, loron 21 fulan-Dezembru, kona-ba Orsamentu Jerál Estadu ba tinan 2023 no Lei nú 2/2022, loron 10 fulan-Fevereiru, kona-ba enkuadramentu ba Orsamentu Jerál Estadu no Jestaun Finanseira Públika no alterasaun daruak Lei nú 8/2008, loron 30 fulan-juñu, Lei Tributária.

“Ho projetu Proposta Lei ida ne’e, despeza totál husi setór públiku administrativu tinan 2023 ho valór totál konsolidadu dolar amerikanu $1.771.867.112, administrasaun sentrál iha despeza ida ne’ebé prevee ho valór dolar amerikanu $1.633.000.000,”Online INDEPENDENTE sita iha komunikadu.

Entretantu, Seguransa Sosiál, sein Fundu Rezerva Seguransa Sosiál, ho montante dolar amerikanu $130.965.306 (iha valór totál konsolidadu la kontabiliza montante dolar amerikanu $75.860.306 husi Seguransa Sosiál ne’ebé mai husi transferénsia administrasaun sentrál hodi evita ninia kontajen duplikada).

Tan ne’e, ba Rejiaun Administrativa Espesiál Oekusi Ambenu (RAEOA) iha despeza ida ne’ebé prevee ho valór dolar amerikanu $1.771.867.112.

Rate this item

(0 votes)