Prezidente ANC João Olivio Freitas hatete, programa ne’e hanesan parte ida husi mundial ne’ebé jere husi Uniaun InterNasionál baTelekomunikasaun (ITU), ho objetivu atu hasa’e feto nia kuiñesementu iha área siénsia teknolojia enjiñaria no matemátika.
Prezidenti dehan, eventu ne’e partisipa husi estudante sekundariu iha Dili hamtuuk 17, atu nune’e loke sira nia hanoin bainhira kontinua estudu iha nivel universitariu bele planu sira nia futuru iha área espesifiku sira.
“Eventu ne’e atu fó hanoin ba estudante sira atu loke sira nia hanoin oinsa bele halo planu edukasaun ida ne’ebé di’ak ba sira atu foti, nune’e bainhira remata estudu iha nivel sekundariu bele ona iha kuiñesementu oituan hodi kontinua iha universidade” dehan Prezidenti ANC iha Suai Room Timor Plaza, Sesta (11/08).
Iha fatin hanesan, Sekretária Estadu Igualdade (SEI), Elvina Sousa Carvalho hatete, SEI husu ba estudante feto sira atu hili dalan estudu ne’e iha Siénsia Teknolojia Enjinaria no Matemátika.
“Bainhira ita koalia kona ba informasau komunikasaun no teknolojia (ICT), ita mós koalia kona risku sira ne’ebé mak teknolojia eferese, inovasaun ita bele hetan maibe sei riskus,” dehan sekretaria.
Governante dehan, iha Timor prezija eskoraja feto sira iha área informasaun komunikasaun no teknolojia tanba ne’e importante.
Tuir SEI nia hare, iha área Siénsia Teknolojia Enjiñaria no Matemátika, maioria mane mak domina, tan ne’e husu ba estudante feto sira atu asesu mós iha área hotu.
Iha biban ne’e mós, Xefi Gabinete MTK, Antonia da Cruz, hatete, eventu ne’e atu empodera labarik feto sira iha área informasaun teknolojia no komunikasaun ne’e importante tebes atu aumenta partisipasaun feto iha área refere.
“Importante tebes atu foti edukasaun iha área espesialidade siénsia teknolojia enjiñaria no matemátika, ita nia sosiedade bele hetan asesu ka hasa’e talentu ba potensialidade ne’ebé mak durante ne’e seidauk book nudar promosaun sosiedade ida ne’ebé moris iha ambiente ida ne’ebé mak tane aas igualdade direitu no inkluzividade,” dehan Xefe Gabinete.
