Diretor Gabineti Relasaun Externa no Komunikasaun-APS, Anacleto Caitano hatete, durante semana ida APS resjistu komunidade nia uma ne'ebé hetan estragus husi dezastre mai husi Munisipiu ualo hanesan, Aileu, Ainaro, Atauro, Baukau, Bobonaro, Kovalima, Dili, Vikeke inklui Rejiaun Administrativa Espesial Oekusi Ambeno (RAEOA).
“Dezastre ne'ebé akontese maioria husi tipo anin-boot estraga uma 17, tuir mai rai-halai estraga uma 12, ahi-han uma ualo (8) no inundasaun estraga uma tolu (3),” dehan Diretor iha Salaun Konferensia APS Kaikoli, Segunda (14/08).
Diretor informa, anin boot nee akontese iha Munisipiu Vikeke estagus uma haat (4), Aileu tolu (3), Baukau rua (2), Dili rua (2), RAEOA rua (2) Manufahi ida (1), Likisa ida (1) no Lautem ida (1).
Enkuantu, ahi-han komunidade nia uma iha Munisipiu Vikeke rua (2), Bobonaro rua (2), Atauro ida (1), Baukau ida (1), Lautem ida (1) no RAEOA ida (1).
Nune’e, rai-halai afeita ba komunidade nia uma iha Munisipiu Kovalima hitu (7) no Manufahi lima (5). Enkuantu, akontese inundasaun bee sae komunidade nia uma tolu (3) iha Munisipiu Kovalima.
“Iha loron semana ida nia laran APS mós rejistu komunidade nain tolu mak lakon vida”,dehan nia.
Nia esplika, iha loron hitu fulan ne'e akontese sidadaun ho naran Luis de Araujo tinan 70 mate iha toos laran.
Tuir kronolojia akontesimentu matebian sai husi uma iha loron 5 liu oras 07h00, ho objetivu atu ba toos no durante loron rua matebian la fila ba uma hodi nunee familia fo hatene ba Autoriedade lokal , APS no Eskuadra PNTL Anaro hodi ba buka turi vitima, maibe hetan fila-fali iha loron hitu fulan nee ho kondisaun mate,” nia hatoo.
Entretantu, iha Munisipiu Likisa komunidade husi Suku Tibar hetan kumunidade ida mate isin iha estrada tuan parte tasi ibun, maibé kauza husi sidadaun nia mate refere, APS seidauk hatene.
Aleinde, iha RAEOA komunidade ho naran Januario Fui idade 27, taa akar mak ai monu hodi resulta vitima nia ulun rahun to’o mate fatin.
Entertantu, Vitima husi dezastre naturais autoriedade Protesau Sivil halo ona apoiu Emerjansia hanesan food itam no laos food item.
