SEI hanesan Instuituisaun Estadu ne'ebé ho responsabilidade atu tau matan ba asuntu feto, labarik-feto no komponenete vulneravel seluk iha Timor-Leste no liliu halakon dezigualdade iha aspetu hotu.
Sekretáriu Estadu Igualdade, Elvina de Sousa Carvalho hateten, Grupo trballo jéneru husi liña ministerial no iha munisipiu sira nia pepel importante tebes atu asegura politika programa no planu ne'ebé sensilvel ba jéneru.
SEI realiza enkontru ne’e ba dala-uluk hodi asegura implementasaun programa no orsamentu sensivel ba jéneru no mós hodi bele asegura programa sira ne’ebé ho nia finalidade atu asegura igualdede jéneru konta mós ho kontribuisaun no partisipasaun husi grupo traballo Ministerial no Munisipiu sira.
“Ohin enkontru grupo traballo jéneru interministerial ho grupo traballo Munisipál, tanba sira nia papel importante tebes atu asegura politika, programa, planu ne'ebé sensivel ba jéneru no mós sira nia papel ne’e kursial tebes iha implementasaun programa governu nia iha Munisipiu ka Interministerial sira,” dehan SEI iha Salaun Ótel Novu Turizmu, tersa (15/08).
Governante ne’e dehan, bazeia ba rezolusaun IX Governu nu.35/2017 /21 Juñu, ba traballo jéneru nia importante atu identifika no dezenvolve programa estratejia sira konaba atu promove igualdade jéneru setor ida-idak nia no asegura katak liña Ministerial sira ne'ebé tutela ba nia planu asaun annual no orsamentu responsavel.
Iha fatin hanesan, Administradór Munisipiu Manufahi, Arante Isac Sarmento, hatete, enkontru entre grupo traballo ba jéneru no interministerial atu hare liu konaba progresu sira ne'ebé ligasaun ho feto sira.
Administradór dehan, asuntu ba jéneru ninia ne’e la'os kabe deit ba servisu SEI nian, maibé ba Ministériu hotu-hotu tanba ne'e importante tebes atu tau atensaun.
Tan ne'e, estadu harii ona Sekretáriu Estadu ida atu hare konaba asuntu Igualdade no jéneru ne'ebé ligasaun ba servisu feto sira nian tanba ne’e Ministeriu hotu-hotu tau importansia ba asuntu ne’e hodi bele tau iha planu ho programa ida ho asaun.
“Governu hari ona Sekretária Esatadu ida hodi hare kona-bá asuntu feto, tan ne’e laos mai atu ko'alia deit maibé ha'u hanoin importante tau asaun, liliu oinsá atu dezenvolve feto sira iha área rurál,” dehan Arantes.
Nia dehan, ne’e importante, tanba feto sira iha área rural barak liu menus informasaun oinsá atu kapasita an no dezenvolve sira an diak liliu iha aspetu ekonomia nian.
Nia afirma, ho enkontru ida ne’e hamutuk ho SEI, grupo traballo husi munisipiu bele intende didiak program IX Governu nian liliu iha asuntu iguldade jéneru, atu nune’e munisipiu ida-idak bele iha planu ne’ebé iha relasaun ho politika ne’e rasik.
