Vise-Primeiru Ministru, Mariano Assanami Sabino deklara, Partidu Demokratiku, iha figura barak atu substitui Saudozu Ministru Ensinu Superiór Siensia no kultura, Jose Honório da Costa Pereira Jerónimo, maibe Primeiru Ministru mak sei determina.
Tanba ne’e, nia dehan, sei halo koordenasaun ho Primeiru Ministru, Kay Rala Xanana Gusmão, tanba nia mak sei hili membru governu. Tanba Partidu bele hato’o proposta, maibe se mak determina ida ne'e desizaun Primeiru Ministru.
“Partidu ita iha figura barak, balun iha Dosente no balun iha Reitor. Maibe sei halo konsultasaun ho Primeiru Ministru, tanba Primeiru Ministru mak bele determina,” Katak nia ba jornalista sira, iha salaun MESSK kolmera, Segunda (27/04).
Dadaun nia afirma, seidauk tempu atu propion se, maibe sei prepara atu kari ai-funan ba Saudozu Ministru Jose Honório.
“Ita sei prepara tau ai-funan, maibe Ministériu funsiona ho normal, hanesan imi haree obra ne'ebé Saudozu husi hela ita fó kontinuidade,” Assanami afirma.
Tempu aprezenta figura, nia rejeita atu ko'alia tanba seidauk iha orientasaun husi Primeiru Ministru, Kay Rala Xanana Gusmão.
“Ita seidauk bele dehan bainhira, tanba Primeiru Ministru seidauk ko'alia buat ida,” Nia hakotu.
