“Benisfiariu ne'ebé seidauk loke sira nia konta bankaria hamutuk 5.451. Tan ne'e ami fó tan tempu to'o Setembro atu nune'e sira bele loke konta bankaria hodi hetan sira nia direitu,” dehan nia iha knar fatin, ME, Vila-Verde, (21/08).
Diretór haktuir, ba benifisiariu sira ne'ebé seidauk loke konta bankaria, tuir informasaun ne'ebé ME hetan ho razaun katak iha inan-aman balun mak dokumetus la iha, hanesan sertidaun, no balun inan-aman lahatene programa ne'e.
“Iha benifisiariu balun ne'ebé idade sei kiik entaun presiza akompaña husi inan-aman, maibé tanba inan aman dook, moras no balun inan-aman idade ona no labele la’o entaun husi razaun hirak ne'e mak labele akompaña oan sira atu loke konta bankaria hodi hetan sira nia direitu,” dehan DJ.
Entretantu, tuir dadus, ME halo ona pagamentu ba benifisiariu bolsa méritu hamutuk 7.476, husi dadus ne’ebé Governu anterior liu-husi Ministeriu Edukasaun Juventude no Desposrtu (MEJD) rejistu ona.
