DILI: Estadu Brazíl fó ona sansaun ba empreza boot tolu tanba esporta na’an liu prazu (expire) ba rai li'ur, ne’ebé halo mundu inklui Timor-Leste preokupa.

DILI: Analiza klima ne’ebé Ministériu Agrikultura no Peska (MAP) halo, posibilidade iha fulan Jullu tinan ne’e, Timor-Leste sei hasoru dezastre naturias, liuliu El Niño ka bai-loron naruk.

DILI: Igreja Katólika husu ba sarani timoroan sira atu labele fiar tan ba ai-kulit, maibé fiar ba Na'i Jesus Kristu, ne’ebé mai iha mundu salva ema hotu nia moris.

LA SURA ona dala hira mosu konfrontus iha ne’eba. Sira ne’ebé la gosta malu, hafuhu malu no buka tempu hodi ataka malu. Aproveita loron boot ruma, bainhira ema barak mosu iha ne’eba, balun hahú kari problema.

DILI: Eleisaun lejizlativu ne'ebé tuir planu atu hala’o iha fulan_Jullu nia laran, iha posibilidade Sekretaria Tékniku Administrasaun Eleitorál (STAE) sei aumenta sentru votasaun iha Koreia Sul, tanba fatin ne’e traballadór timoroan barak.

FUK MUTIN hahú dudu sees fuk metan sira. Rentos ne’ebé kabeer hahú namkurut. Idade ne’ebé avansa hikis ona nia isin, maske nune’e la hamihis ninia forsa atu kontinua hala’o ninia atividade. Nia liman-fuan kumu metin aisar nia kain. Ho neneik nia hahú dasa foer hirak ne’ebé nia matan hetan.

Rai-henek manas hanesan la konsege borus nia ain. Nia kontinua hakat hodi husu ba ema sira ne’ebé tuur hela iha ai-okos. Kosar-been ne’ebé turuk husi nia rentos mak dezeña katak nia sente loron ne’ebé manas.

Hatais faru mutin, saia kór metan no la uza xinemlus ne’e mak deskrisaun kiik husi Alola Amaral, labarik kiik tinan 9 ne’ebé kada Sabadu no Domingu ajuda nia inan-aman fa’an krupuk iha area Kristu Rei.

“Ha’u-nia apa lori mai hatun ha’u iha pasir putih atu fa’an krupuk, orsida loraik mak apa mai tula fali ha’u,” dehan oan daruak husi Cândida Amaral no Francisco dos Reis ne’e.

Aloloa kontinua fa’an krupuk, dala idaida nia matan hateke ba labarik sira ne’ebé ho otas hanesan nia halimar hela iha tasi-ibun. Mosu sentimentu triste iha fuan. Nia mós hakarak atu sente ksolok bainhira halimar ho nia inan-aman no maun-alin sira iha tasi-ibun.

“Ha’u mós hakarak haris no halimar ho ha’u-nia apa, ama no alin sira maibé apa dehan tempu laiha tanba tenke faan (sasan),” hateten Alola.

Iha kada Sabadu no Domingu, Aloloa sempre mai fa’an krupuk. Kada krupuk platiku ida nia fa’an ho folin $0.50.

Hahú husi loron Segunda to’o Sesta, Alola hala’o nia vida hanesan estudante iha eskola Primaria númeru 2 Bemori.

Maske sei kiik, maibé Alola hakarak atu ajuda nia inan-aman hodi bele hetan netik osan atu sustenta nesesidade uma-laran.

Hanesan oan daruak husi maun-alin na’in 4, Alola ne’ebé moris iha iha Bemori-Dili iha 2 Abril 2007 ne’e koko atu leba mós moruk no todan moris nian, atu hakaman netik naha iha nia inan-aman nia kabas.