Tuir Diretora Nasionál Emprendimentu Atividade no Produtos Turista, Maria Ernestina Lopes,  ba formasaun tinan ne’e MATAK konvida kujineiru no na'in ba otél no restaurante mai hosi munisípiu 12 maka sei tuir formasaun durante loron rua.

“Ami buka daudaun ona menu ka tabela ba restaurante sira, tanba ne’e ami buka meius emprezáriu sira ne’ebé loke restaurante atu sira bele hetan benefísiu, maibé tenke iha ospitalidade para bele atrai bainaka sira,”dehan Diretora Ernestina iha Metiaut Kristu Rei, Kinta (23/03).

Nia dehan, MATAK kada tinan halo formasaun ba  otél na’in no funsionáriu restaurante sira hosi mini otél kada munisípiu atu tein hahán ho kualidade di’ak para bele promove ai han lokál.

“Durante ami nia motorizasaun liu liu iha Dili restaurante barak nasionál no internasionál komesa implementa ona hahán lokál ba iha menu,”tenik nia.

Iha fatin hanesan Ministru MTAK Francisco Kalbuady Lay,hatete,gastronomia sai hanesan fenomena ida ne’ebé favoritu no haree iha mundu tomak liu husi televizaun ne’ebé promove hahan husi rai idak idak nian.

Tanba iha Timor iha hahán ida ne’ebé úniku tebes no ema louva hahán lokál sira maibé la’ós ho lovu ne’ebé tenke para iha ne’e no tenke  haka'as aan atu dezenvolve di’ak liután

Nia dehan,foin lalais sira halo konferénsia internasionál hamutuk ho estudante DIT te'in hahán hotu -hotu iha meza ida ne’ebé hotu uluk mak hudi dubun no bainaka sira ne’e mai husi nasaun barak entaun sira husu kona-ba modo uza husu dubun nia funan maka halo.

“Sira hakfodak entaun sira husu Timor iha hahán di’ak hanesan ne’e nusa ita la promove iha li'ur para, ema hatene hahán ne’e sabor,”tenik Kalbuady.

Nia dehan, atu promove hahán sira ne’e, governu tenke servisu hamutuk ho otél no restaurante hotu atu te'in hahán karik sira bele oferta ba turista sira ho produtu Timor.