Prezidente PLP, Taur Matan Ruak hateten, kuandu PLP manan hodi kaer ukun sei implementa militár obrigatoriu, atu joven sira ne'ebé tama ona ba iha idade 17 bele inkilina-aan hodi bele aprende liután dixiplina.

“Militár obrigatoriu nu’udar meius di'ak bele akumula joven sira atu dada sira bele koñese di'ak liután dixiplina antes tanba ba iha eskola ensinu superiór”, dehan nia, bainhira halo kampaña iha Munisípiu Likisá Vila, horisehik.

Eis Jenerál F-FDTL hateten, planu ne’e uluk sei jenerál aprezenta ona ba governu to’o oras ne'e seidauk aprezenta, tanba dala barak ema ko'alia joven maka futuru. Tanba ne’e, PLP iha hanoin tau programa ida ne’e atu bele akumula joven sira no ida ne'e nu’udar parte ida hadook joven sira husi konflitu.

Nia hatete, la’ós programa militar obrigatoriu de'it mak husi PLP planeia, iha mós programa edukasaun sívika patriótika.

Ho objetivu atu fó oportunidade ba joven sira ne'ebé dezempregu governu kria planu ne’e atu akumula joven ne'ebé dezempregadu hanesan hanorin sosiedade fó ajudu sosiál ba komunidade.

“Ita nian rai ajuda ita joven sira oinsá bele servisu atu labele dezempregedu iha sira nian rai rasik”, dehan Taur.

Nia hateten, planu hirak ne’e iha mos formasaun kapasitasaun ba joven sira oinsá mak sira bele iha skill forma no kapasita joven liu área téknika profisionál atu sira bele iha koñesimentu liu ba área tékniku edukasaun vokasionál hodi kompete iha mundu modernu.