Liu husi Kompromisu Polítika iha Kampaña dala-13, Taur hatete, Partidu PLP nia mehi la boot , maibé mehi kiik hanesan fó moris di’ak ba povu atu lori oan ba eskola no iha hahán no estrada di'ak.
Nia observa, durante Governu dahuluk to’o sestu Governu ne’e partidu ne’ebé envolve iha laran ne’e mehi boot demais hodi gasta osan barak liu ba buat ne’ebé mak la povu la presiza.
“Hakarak Imi (Oekusi oan) nia moris di’ak entaun vota ba PLP Tanba PLP de’it mak defede imi nia interese no laiha partidu ida iha programa hanesan PLP liga ba ema nia moris di’ak”, dehan nia iha komísiu Polítika iha Kampaña kampaña aberta iha Suku Costa Postu Administrasaun Pante Makasar, Rejiaun Oekusi, Kuarta (5/07).
Iha tempu kampaña, Taur dehan, projetu emerjénsia $3 komesa mosu ona iha Rejiaun RAEOA atu povu ke’e baleta.
Eis Prezidente Repúblika ne’e dehan, nia hanesan kutun ida ne’ebé sei tata beibeik sira ne’ebé mehi boot hodi halo dezenvolvimentu, maibé la tuir povu nia hakarak.
“Ohin balun dehan nia jagoan makas iha Timor, maibé laiha ida jagoan liu ha’u, bainhira ha’u defende Luta ba libertasaun sira laiha”,dehan nia.
Nia dehan, ukun aan ida ne’e la’ós ema fó de'it ba Povu Timor Leste, maibé liu hosi terus no mate mak sosa no lori maluk atus rihun ida nia mate maka sosa.
“Ita nia povu la mehi atu iha aeroportu di’ak, iha uma antar barak, iha aviaun no ró”,afirma lider PLP ne’e.
