Kompromisu Polítika ne’e fó sai husi Prezidente Partidu Demokrátiku (PD) Mariano ASSANAMI Sabino iha kampaña ba dala-12 iha Postu administrasaun Atsabe, Munisípiu Ermera.
Polítika Harii Ospitál, Nia dehan, hakarak atu valoriza no dignidade ema ho defisiente hodi asesu ba dezenvolvimentu nasionál.
Assanami afirma, PD nia polítika hahú kedan husi saudozu Lasama, momentu sei moris esforsu makas hodi governu konsege konstrui dalan ba ema defisiente iha ponte CPLP.
“Ita nia polítika atendimentu ba ema ho defisiente sira la'ós foin maka ita hanoin, maibé uluk kedas maun LASAMA sei moris”, dehan nia liu husi Komísiu Kampaña lejizlativu iha Munisípiu Ermera, Tersa (04/07).
Razaun Harii ospitál, Lider PD ne’e dehan, atu Estadu no Família labele halo diskriminasaun ba ema ho defisiente. Ho nune’e PD hakarak loke ospitál kualidade atu atende maluk defisiente sira hanesan ho sidadaun sira seluk.
Aleinde Harii Ospitál, PD mós sei kontinua fasilita finanseiru no apoiu treinamentu ba ema ho defisiénsia sira atu forma grupu hodi kapasita aan bele serve nasaun no nia aan rasik ho dignu.
