Prezidente CNE, José Agostinho Belo hato’o kestaun ne’e, bainhira fó omenajen ikus ba Saudozu “Lú Olo” iha ninia rezidensia Farol, Tersa (23/06).
“Lú Olo, hanesan figura ida ne'ebe importante ita labele hetan iha universidade no fatin ne'ebé de'it, maibe ita husu joven sira atu aprezenta husi nia esperensia loron-loron hamutuk ho partidu,” Katak nia ba jornalista sira, iha Falor, Tersa (23/06).
Nune'e, nia konsidera “Lú Olo”, hanesan lideransa politika ne'ebe sempre foti desizaun ho rasionál no responsabilidade ba nia desizaun tomak, durante nia mandatu tomak.
“Tanba ne’e, partidu politiku sira tenke banati tuir Saudozu “Lú Olo” katak tenke rona ema ki'ik no boot, ida-ne'e mak modelu ida importante ba ita hotu, atu banati tuir,” Katak nia.
Aliende ne’e, nia rekomenda ba joventude no partidu politiku sira, tenke hatudu maturidade politika hanesan Saudozu “Lú Olo” no lider sira seluk, maske iha diverzénsia politika.
“Ita haree hanesan Xefe Estadu Maior Jenerál F-FDTL, Tenente Jenerál Domingos Raul “Falur Rate Laek”, Jenerál Reformadu, Lere Anan Timor, Eis Primeiru Ministru Taur Matan Ruak, no sira seluk tan, durante ne'e sira iha diferensa politika, maibé sira la tau ba kestaun, no sira iha hanoin ida de’it katak timor tenke ba oin,” Nia hatete.
Nia afirma nafatin ba joventude sira atu banati tuir lider veteranu sira nia esperensia, para bele kontribui ba dezenvolvimentu nasaun.
