Razaun, Militante ParPol hitu afilia ba Partidu CNRT tanba hakarak hamutuk ho Xanana ne’ebé iha esperiénsia atu ukun no lider governu ne’e hodi dezenvolve rai doben ida ne’e atu hasai povu husi kiak no mukit.
Militante Partidu afiliada hanesan FRETILIN, PD, PLP, ASDT, PSD, PUDD no PDN husi suku Lakaba, Home, Luro, Tutuala, Com, Parlamentu, Pairara, Baduro, Maiña I no Maiña II.
Militante partidu FRETILIN Angelo da Silva hatete razaun afilia mai iha partidu CNRT tanba hakarak hamutuk ho Maun Boot Xanana atu dezenvolve nasaun no povu ida ne’e.
Xefe Suku Maiña I Gastão Soares reforsa afilia ba Partidu CNRT tanba Xanana mak bele kria pás no estabilidade iha rai ida ne’e.
Ho nune’e, militante afiliada sira fiar metin katak CNRT sei manan absoluta iha munisípiu Lautem.
