Lider CNRT deklara kestaun ne’e iha komisiu kampaña Polititika iha Suku Ilimanu-Munisipiu Manatuto,Dominggo (02/07).
“Hau kontenti tebes tanba Ilimanu namkari oituan, maibé ohin hetan tiha ona Ai-hun bo’ot ida, Ai hun ne’e mak CNRT ho ita hotu hanoin atu dezenvolve ita nia rai no hanoin atu oinsá mai hakbesik ba povu”, dehan nia.
Xanana dehan, Ilimanu oan tenke halibur malu hodi partisipa iha governu lokál koalia halo planu atu hadi’a Ilmanu.
Tanba ne’e, Xanana husu ba Ilimanu oan sira iha loron 22 fulan-Jullu tenke vota ba CNRT atu bele hala’o dezenvolvimentu iha Timor-Leste liliu rai Ilimanu.
“Imi bolu malu nafatin atu iha dia 22 vota ba ai-hun ne’ebé hamahon povu ba dezenvolvimentu”, dehan Xanana.
Iha fatin hanesan koordenador Munisipiu Manatutu, Marcos da Cunha hatete, partidu barak bele mai komentar oin-oin, mais sira so kokorek iha Timor no ba iha liur kokotek deit, maibé maun bo’ot Xanana Gusmão la’e, kokorek iha Timor ba iha liur mós kokorek nafatin.
Ilimanu Potensiál ba Turizmu
Prezidente CNRT ne’e dehan,Ilimanu mós fatin potensiálba setór turizmu tanba foho lolon sira ne’e ho beleza furak ne’ebé bele atrai turista sira.
Nia dehan, Ilimanu besik dalan boot Dirasaun Dili ba Manatutu, Baukau, no Lautem, maibé Ilimanu izoladu oituan.
Tanba ne’e, nia husu ba Autoridade Munisipál Manatuto atu tinan lima mai tan tuur hamutuk deskute no halo planu hodi dezenvolve Ilimanu sai fatin turizmu.
Governu sentrál, Eis Primeiru Ministru ne’e dehan, haree ba Timor tomak ne’ebé munisipiu ida-idak tenke governu lokál maka haree ne’ebé hahú hola ona planu ba.
“La’os ita huu de’it Ilimanu sai furak ona sei neneik, maibéiha potensiál boot setór Turizmu ho Marmer”, haktuir Xanana Gusmão.
.
