Tuir observasaun INDEPENDENTE Online ne’e katak partisipa iha enkontru extra-ordinariu ne'e rasik husi lider maximu partidu nian, deputadu husi CNRT, no membru partidu CNRT ne'ebé dadaun ativu hela iha VIII Governu.

Aliende ne’e, partisipa mós jurista Manuel Tilman. Maske nune'e objetivu reniaun extra-ordinariu ne'e seidauk fó sai ba públiku.

Reuniaun ne’ebé ne'e taka públiku seidauk remata.

Molok, reuniaun akontese, partidu KHUNTO hatoo ona karta ofisial ba koligasaun foun ne’ebé lidera husi Kay Rala Xanana Gusmão.

Iha karta ne’e, partidu KHUNTO ofisialmente retira husi kolgasaun foun hodi fó apoiu ba VIII Governu Konstitusionál lidera husi Primeiru Ministruu Taur Matan Ruak.

Entretantu, tersa-feira horsehik, Deputadu husi CNRT iha Parlamentu Nasionál, Duarte Nunes husu ba nia ema sira ne’ebé involve iha VIII Governu tenki rezigna.