“Ita bolu dehan administrasaun públika ne’e estadu nian no la’ós partidu nian, se maka iha kompeténsia nia maka sai diretór la’ós fahe kadeira ba membru partidu ema ne’ebé la’ós funsionáriu dada mai sai fali diretór”, kontra Alkatiri bainhira halo dialogu ho militantes no simpatizante partidu FRETILIN iha postu administrativu Maubisi munisípiu Ainaro, Dominggu (03/07).
Adminsitrasaun Públiku loloos, SekJen FRETILIN ne’e dehan, sei hadi’a politika funsaun Publika atu sai diretór tenke tuir karreira husi funsaun públika la’ós ba dada fali polítiku sira maka sai fali diretores.
Eis Primeiru Ministru ne’e dehan, Partidu polítika nia funsaun hadi’a estadu no ParPol baze demokrasia ne’ebé partidu ida manan nia lidera estadu ne’e programa maka partidu nian, maibé polítika estadu nian.
Entraga Bandeira FRETILIN -Livru Manual 1974
Organizasaun Popular Muller Timor (OPMT) entrAga hikas fila fali rekordasaun ne’ebé sekretáriu Jéral FRETILIN fÓ hanesan Bandeira FRETILIN no livru manual polítika tinan 1974 nian.
OPMT Eliza Tilman dehan, bandeira FRETILIN no livru manual politika ne’e entrega husi Mari Alkatiri iha tinan 1974 no konsege rai didiak maski iha situasaun defisil nia laran.
“Bandeira ho livru ida ne’e bainhira iha 1974 Maun bo’ot Marí entrega mai ha’u mezmu iha tempu ne’ebá situasaun ne’ebé defisil, maibé ha’u sei la so’e bandeira no livru ida ne’e”, dehan nia hafoin remata entrga bandeira no livru ba Sekretáriu Jéral partidu FRETILIN Marí Alkatiri iha iha Munisípiu Ainaro, Sabadu (02/07).
“Hau nia família tomak mate ba rai ne’e inklui ha’u nia katuas oan mate tanba kaer metin ba prinsipiu FRETILIN nian hakarak liberta povu ne’e husi nakukun nia laran atu sai ba naroman ,” dehan nia ho tanis.
Iha fatin henesan, Marí Alkatiri agredese tebes ba povu ida ne’e, povu ida ne’ebé iha responsabilidade ida bo’ot tebes atu kuidadu ba rekordasaun ne’ebé nia rasik foti hodi entrga ba sira.
“Hau simu badeira no livru ida ne’e i ha’u sei fó fila fali ba sira tanba ne’e hanesan bandeira lulik ona, ne’ebé maka sira tau ona iha uma lulik laran iha tinan naruk nia laran, i ha’u husu ba sira atu rai didiak ba rekordasaun ida ne’e”, Dehan nia
Tanba ne’e, nia dehan, FRETILIN kaer ukun sei tau planu ida atu halo selebrasaun bo’ot iha postu administrativu Maubisi atu valoriza sakrífisu tomak ba família ida ne’ebé ho fuan boot no responsabilidade tomak atu kuidadu tebes bandeira no livru durante tinan 24 nia laran to’o mai agora.
