Amu Pároku Don Bosco, Padre Elias de Jesus, liu husi ninia omilia hatete, iha loron ne’e ema hotu kontente nafatin tanba Na’i Jesus moris hi'as ona husi nia mate.

La’ós tanba Nia mate moris fali, maibé Nia razaun mak mate ida ne’e mak ema hotu haksolok hodi fó obrigadu ba Jesus ne'ebé mai husi mate no haksolok ho Nia vitória.

“Ita Timor kuandu hetan ona promosaun ba kargu diretór ne’e dehan nia mate besik daudaun ona, dehan balun lori ai-abut hodi fekit ida ne’e la loos, maibé fiar de'it ba ita Na’i Jesus Kristu tanba nia nunka husik ita mesak”, dehan Pe. Elias bainhira prezide Santa Misa, iha Igreja Don Bosco-Komoro, Sábadu (15/4).

Nia dehan, fiar ba Jesus Kristu tanba nia mate tiha liu loron tolu nia moris hi'as fali, sarani sira mak sei fiar buat seluk entaun ne’e Na’i Jesus sei laran moras, tanba nia mate ona no moris hi'as tan fali ona mós sei nafati la fiar.

“Ita nia moris iha mundu nia sala sira hotu no sofrimentu sei remata, ita sei simu fali moris ne'ebé mai husi ita nia fiar iha sakramentu batizmu”, tenik nia.

Amu ne’e husu ba sarani sira iha mundu ne’e buat hotu sei la boot liu Aman Maromak tan ne’e fiar nafatin ba nia.