Iha ninia mensajen, Primeiru Ministru konsidera tinan 15 ba media ida konsidera sei joven. Maske nune’e, Xefe Governu ne’e haree katak Jornal INDEPENDENTE sai nu’udar parte vital ba dezenvolvimentu imprensa iha Timor-Leste.

Dalam pesannya, Perdana Menteri menilai usia 15 tahun bagi sebuah media masih tergolong muda. Namun demikian, ia melihat keberadaan Jornal Independente sebagai bagian penting dalam perkembangan pers di Timor-Leste.

“Imi sei labarik, tanba tinan 15 ne’e… maibé parabéns ba imi hotu,” dehan Xanana bainhira hato’o mensajen hafoin enkontru semanal ho PR Horta, iha Palasiu Prezidensia, Bairu-Pite, Kinta (02/04).

Liu tan,

Liu tan, PM Xanana subliña katak jornalista sira presiza prepara didi’ak molok hala’o entrevista.

Xanana hatete, komprensaun klean kona-ba asuntu ida mak xave atu asegura katak pergunta sira ne'ebé husu laos superfisiál.

Nia fó hanoin katak, iha prátika, fonte sira dala-barak fó resposta sira ne'ebé desvia husi pergunta. Tanba ne’e, jornalista sira tenke iha koñesimentu ne’ebé sufisiente atu diresiona konversa ne’e ho krítiku no matenek.

“Jornalizmu laos atu hasai foto, laos bla-bla.., mais presiza mós kbiit atu análiza situasaun, kbiit atu análiza prosesu ida, nune'e ita bele husu buat ne'e husu ho matenek,” dehan Xefe Governu ne’e.

Xanana destaka mós importánsia husi abilidade analítika iha mundu jornalizmu, la’ós de’it relata eventu sira, maibé mós komprende kontestu no dinámika sira ne’ebé subar iha kotuk.

Taka ninia mensajen, PM ne’e hato’o ninia apresiasaun no esperansa katak ekipa Jornal INDEPENDENTE tomak sei kontinua hadi’a kualidade serbisu iha tempu oin mai.

“Parabéns ba Jornal Independente no ba imi hotu. Kontinua prepara an di’ak liu,” dehan PM Xanana.