Sekretáriu Estadu Veteranus, César dos Santos da Silva “Merak” afirma, Saudozu Lú Olo sei halot iha Jardin dos erois Metinaru, iha Sexta-feira.    

“Saudozu sei toba iha Avo M’hudu no Avo Xavier nia klaran, desizaun ne’e foti husi MAKLN no kooperasaun husi entidade balun nia hanoin,” Dehan Sekretáriu Estadu Veternus, César dos Santos da Silva, iha Faról, Kuarta (24/06).

Sekuensia vizita ikus Saudozu “Lú Olo”, nia informa, bain-rua dadeer Saudozu sei sai husi ninia rezidensia ba vizita Komité Sentrál FRETILIN (CCF), depois CCF sei liu-ba Kuartél Jerál FALINTIL-FDTL, Fatuhada, sai husi Fatuhada ba Prezidénsia Republika, Aitarak-laran. Sai husi Prezidénsia repúblika ba Parlamentu Nasional.

 “Missa iha Katedral iha oras 11 ho balun, loron sexta-feira, depois vizita ba instituisaun relevante ne’ebé ha’u temi ona,” Nia informa.

Nia informa, presta omenazen  ba Saudozu “Lú Olo” sei to’o aban, nafatin orienta hela, hot-hotu mai tenke tuir regras ne’ebé estabelese, nune’e serinómia ne’e bele la’o ho di’ak ho susesu.

“Horseik hahu tukun 1 ho balun instituisaun estadu ne’ebé iha Dili laran, agora instituisaun iha munisipiu sira ne’ebé mai, ami sei orienta atu la’o tuir regras ne’ebé iha,” Nia relata.

Kona-ba prezensa Primeiru Ministru, Kay Rala Xanana Gusão,  nia  parte bele hateten buat ida, tanba agora dadaun Primeiru Ministru halo servisu estudu nian iha rai-liur.