×

Atenção

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 425

Posibilidade STAE Aumenta Sentru Votasaun iha Koreia Súl Featured

By Abril 13, 2017 3008
Sentru Votasaun Sentru Votasaun

DILI: Eleisaun lejizlativu ne'ebé tuir planu atu hala’o iha fulan_Jullu nia laran, iha posibilidade Sekretaria Tékniku Administrasaun Eleitorál (STAE) sei aumenta sentru votasaun iha Koreia Sul, tanba fatin ne’e traballadór timoroan barak.

“Iha tempu badak sei hato'o ba iha Konsellu Ministru atu aumenta tan sentru votasaun iha Koreia Súl, tanba traballadór barak iha ne’ebá”, dehan Diretór Jerál STAE, Acilino Manuel Branco, iha edifísiu STAE, Kaikoli, horisehik.

Nia dehan, iha Austrália no Inglaterra mós posivel atu sei aumenta tan sentru votasaun, maibé ne’e foin mak identifikasaun tanba fatin sira ne’e mak timoroan sira barak.

Tanba, fatin ne’ebé iha embaixada ka konsuladu ho timoroan mínimu 50 bele loke sentru votasaun ida.

Maski nune’e, atu estabelese duni, tenke haree mós ba iha kritériu sira ne'ebé iha lei nú 2 kona-ba resenseamentu eleitorál nian.

Acilino dehan, atualizasaun iha rai li'ur oras ne’e daudaun hala'o hela, ne’ebé prevé ba loron sábadu no domingu tanba husi segunda to’o sesta ema okupadu ho servisu.

Entretantu, resenseamentu iha li'ur ne’e Ministériu Negósiu Estranjeiru no Kooperasaun (MNEK) nia konta, maibé tenke iha delegadu husi STAE.

Antes ne'e, iha eleisaun prezidensiál STAE loke ona sentru votasaun tolu iha estranjeiru, rua iha Austrália no ida iha Portugál. 

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31