Ministru Estadu Koordenador Asuntu Administrasaun Justisa no Ministru Administrasaun Estatal (MEKAAJ-MAE) Dionisio Soares Babo hatete, atu halo resenseamentu iha rai liur ne’e sei tetu hela, maibé haree kuandu orsamentu ne’e sufisiente posibilidade bele loke tan. 

“Ha’u labele fo komentariu ha’u husu tiha informasaun lai, mais posibilidade iha buat rua tolu hanesan ne’e mak ami sei hala’o hela primeiru hanesan osamentasaun, segundu ba preparasaun ba fasilita,”dehan Babo ba jornalista sira iha Uma Fukun, segunda (17/04).

Orsamentu ne’e, tuir Baboi esplika, atu halo serbisu iha valores resenseamentu jeral ba atualizasaun de dadus iha rai ne’e hotu.

“Se iha tan orsamentu adisional ha’u hanoin ita bele halo atualiza sei halo koordena ho STAE ho CNE,” dehan nia.

Entretantu, Secretarria Estadu Politika Formasaun Profesional Empregu( SEPFOPE) prontu apoiu Minsteriu Negosiu Estranjeiros no Kooperasaun(MNEK) kona ba dadus trabalhador Timoroan iha Korea do Sul, wainhira atu realija eleisaun Parlamentar iha nasaun refere.

“Ami prontu apoiu MNEK kona ba dadus traballador timoroan na’in hira mak iha nasaun Korea do Sul. Atu nune’e wainhira MNEK atu halo resensiamentu de dadus mos labele hetan difikuldade”.

Diretur Jeral Politika Formasaun Profesional Empregu(SEPFOPE), Paul Alves hateten ba jornalista sira iha Parlamentu Nasional, segunda (17/04/2017)

Tuir nia, traballador timoroan iha korea mós iha direitu atu partisipa iha eleisaun parlamentar. atu nune’e sira labele lakon direitu ba vota.

Portantu Minstru Negosiu Estranjeiros no kooperasaun (MNEK), Hernanio Coelho hatan katak kona ba dadus traballador timoroan iha korea sira iha hotu ona inklui sira nia hela fatin. Agora kestaun tempu bainhira mak loke resensiamentu de dadus.