MESSK Sei Fasilita EhD Iha Tranzisaun Públiku
DILI: Governu liu husi Ministériu Ensinu Superior Siensia no Kultura (MESSK), sei fasilita ema ho defisiénsia sira iha tranzisaun públiku iha ensinu prossesu aprendijazen nian.
Ministru Ensinu Superior Siensia no Kultura (MESSK), Longuinhos dos Santos hateten, objetivu iha tranzisaun ne’e, atu bele fasilita ema ho defisiensia sira asesu iha ensinu superiór.
“Ita sei fasilita ita nia ema ho defisiénsia sira atu asesu ba iha ensinu superior . Tanba ne’e, ita sei koordena ekipa tekniku sira hodi tun bá identifika ita nia maluk defisiensia sira ne’ebé atu tama iha universidade,” dehan nia iha palasiu Governu , kuarta (26/01).
Molok ne’e, Diretór Nasionál Protesaun Direitu ba Ema ho Difisiensia, Mateus da Silva informa ona katak, Governu liu husi Ministeriu Solidariedade Sosiál Inkluzaun (MSSI) asina akordu ho Ministeriu Ensinu Superior Siénsia no Kultura (MESSK) hodi fasilita labarik difisiente sira, ne'ebé remata iha nivel sekundariu hodi kontinua iha universidade.
Agora nia prosesu la'o hela, husi MESSK mak prepara materia atu fo ezame ba labarik sira, depois sira pasa no asesu ba iha bolsu estudu ne'ebé husi MESSK prepara ona.
Nia hatutan, ba oin MSSI sei servisu hamutuk ho MEJD hare'e ba edukasaun inkluzivu, labarik difisiensia bele asesu ba iha eskola públiku sira, inklui kooperasaun MSSI no SEKOMS hodi estabelese rádiu Komunidade ida ba ema ho difisiensia sira.
Planu ne'e husi Ministériu ida-idak hodi tau iha planu orsamentu ba tinan fiskal, sira bele halo prioridade ba programa ne'ebé atu garantia inklusaun ba ema ho difisiensia.
Asistente Editor: Saturnina da Costa
DILI: Enkaregadu Negósiu Embaixada EUA, Tom Daley no Diretora Misaun Ajénsia Dezenvolvimentu Internasional EUA – USAID Zema Semunegus ba haree direta fasilidade be’e, saneamentu no ijiene (WASH) ne’ebé finansia husi EUA iha Sentru Saúde Venilale Baucau.
Ohin Hala’o Limpeza Jeral iha Nivel Nasional
DILI: Ministru Prezidensial Konsellu Ministru, Fidelis Leite Magalhães hatete, ohin (28/01), Governu sei organiza funsionáriu administrasaun públika no sidadaun sira hodi limpeza iha fatin publiku no ida-idak nia uma, durante loron tomak iha Kapital Dili, hodi evita moras dengue.
"Governu fó sai katak, sei promove aban durante loron tomak, sei halo asaun limpeza iha nivel nasional ne'ebé sei organiza funsionáriu sira no orgaun servisu administrasaun publika nian, no apela ba sidadaun sira hotu no autoridade nivel nasional, hodi halo limpeza jeral iha fatin publiku no mós iha sidadaun ida-idak nia uma,’’dehan nia liu husi konferensia imprensa, iha Palasiu Governu, kinta nee (27/01).
Nia hatutan, kampaña ba limpeza nee hanesan parte ida husi asaun hodi prevene kazu dengue neebé kada loron rejista ho númeru aas.
Enkuantu, Ministeriu Administrasaun Estatal sei fó sai ba orgaun no administrasaun públika sira, kona-ba organiza no distribuisaun ekipa sira ba limpeza jeral ne'e.
Ho nunee, orientasaun fó sai ba asaun limpeza jeral ne'e sei halo iha loron aban 28 janeiru 2022 durante loron tomak iha nivel nasional.
"Agora ba semana sira tuir mai ne'e, hafoin reuniaun Konsellu Ministru sei foti fali dezisaun detaillu ba ita bo'ot sira, hanesan limpeza jeral ne'e atu halo semana-semana ka no atu semana ida dala hira, dezisaun hirak ne'e sei fó sai iha kuarta tuir mai,”tenik nia.
Entretantu, tuir dadus husi Ministeriu Saúde, liu husi Diresaun Nasional Saúde Públika Departamentu Vijilansia Epidemolojia relata, hahú iha loron 1 to’o 27 Janeiru tinan nee, kazu dengue sa’e ba 1035. Husi númeru nee, na’in 18 mak lakon vida.
Tuir komunikadu imprensa neebé Online INDEPENDENTE asesu, husi númeru kazu nivel nasional 1035, maioria kazu nee akontese iha Kapital Dili ho kazu 698.
Aleinde iha Dili, kazu dengue mosu mós iha munisipiu sira seluk hanesan, Ermera ho kazu 71, Manatutu ho kazu 67, Baukau ho kazu 50 , Manufahi ho kazu 49, Kovalima ho kazu 31, Bobonaru ho kazu 24, Líkisa ho kazu 16, Aileu ho kazu 11 , Ainaro 12, no Vikeke ho kazu 6.
Asistente Editor: Saturnina da Costa
Kazu Dengue Sa’e ba 1035 ho Mate 18
DILI: Tuir dadus husi Ministeriu Saúde, liu husi Diresaun Nasional Saúde Públika Departamentu Vijilansia Epidemolojia relata, hahú iha loron 1 to’o 27 Janeiru tinan nee, kazu dengue sa’e ba 1035. Husi númeru nee, na’in 18 mak lakon vida.
Dengue Hamate Ona Labarik 18
DILI: Iha loron 26 nia laran, númeru kazu dengue aumenta maka’as tebes no konsege hamate ona labarik na’in 18.
KI: Jornalista Vota Kualker Iha Fatin Eleisaun
DILI: Jornalista sira ne'ebé oras ne'e halao servisu jonalistiku iha kada média bele halo votasaun iha kualker fatin sentru votasaun ne'ebé iha. Nune'e, Konsellu Impresa husu média sira atu ida-idak hatama karta molok jornalista hala’o sira-nia funsaun durante periodu votasaun.
DILI: Brigadeiru Jeneral João Miniranda ‘Aluc’ husu ba sidadaun hotu-hotu atu hakamatek hodi asegura estabilidade iha ámbitu kampaña Prezidente Repúblika iha fulan Marsu mai.
PR Foun Labele Dizolve PN ‘Tuir Gostu’
DILI: Jurista timoroan, Sergio Diaz Quintas deklara, politika partidu Congresso Nacional Reconstrução Timor-Leste (CNRT) ne’ebé fó mandatu ba Prezidente Republika foun atu dizolve Parlamentu Nasional tuir ‘ninia gostu’.
Posibilidade Iha Austrália Laiha Votasaun Prezidensiál
DILI: Ministeriu Negosiu Estranjeiru no Kooperasaun (MNEK), relata posibilidade prosesu votasaun eleisaun prezidensial iha diaspora balun labele hala’o, hanesan iha Austrália tanba iha nasaun ne’e implementa lockdown.
Mehi Dizolve PN Ne'e Promove Krize no Anunsia Golpe
DILI: Maske dizolve Parlamentu Nasionál sai nu’udar mehi partidu CNRT ne’ebé la fasil ba Prezidente Repúblika foun atu realiza, maibé deputadu sira, liu-liu husi bankada Fretilin, PLP no KHUNTO, tau atensaun seriu tebes no konsidera kandidatu Prezidente Repúblika husi CNRT, José Ramos Horta, promove krize no anunsia golpe.
More...
MS Tenke Forma Ekipa Task Force Kombate Dengue
DILI: Akadémiku husi Universidade da Paz (UNPAZ), husu Governu liu-liu Ministériu Saúde (MS) atu forma ekipa task force ida, hanesan tinan kotuk forma ekipa Task Force Covid-19 atu bele solusiona moras dengue ne’ebé invade hela Timor h onia kazu aumenta husi loron ba loron.
PN Husu Identifika Finalista “Immorál” Labele Fó Diploma
DILI: Parlamentu Nasionál (PN) liu husi komisaun G trata asuntu Edukasaun, Juventude, Kultura no Sidadania, rekomenda ba Ministériu Edukasaun, Juventude no Desportu (MEJD) atu koopera ho Diretór Eskola sira hodi halo identifikasaun ba estudante finalista sira ne’ebé hatudu immorál iha hanesan buat ne’ebé oras ne’e espalla iha media sosiál, hodi labele fó diploma ba sira.
Benefisiariu Rihun 60 sei Asesu ba Seguransa Alimentar
DILI: Ministru Kordenadór Asuntu Ekonomiku (MKAE), Joaquim Amaral hateten, MKAE iha ona dadus benefisiariu rihun 60-resin ne’ebé sei benefisia ba seguransa alimentar faze daruak, iha fulan-Fevereiru nia laran.
LIKISÁ: Governu liu husi Ministériu Edukasaun Juventude no Desportu (MEJD) hala'o abertura ba prosesu aprendijazen ba anu letivu 2022 nian, iha eskola Santo Inasiu de Loiola Kasait.
Tuir Vise Ministru Edukasaun Juventude no desportu António Guterres hatete, objetivu husi abertura nee atu fó autorizasaun ba eskola hotu iha teritoriu laran tomak bele hala’o ona prosesu aprendijazen.
“Ohin ita halo abertura bá prossesu aprendijazem anu lektivu tinan 2022 nian iha eskola Santu Inasiu de Loiola, atu nunee eskola hotu iha territóriu nasional bele hala’o fila fali aktividade eskola nian iha tinan ida nee,” dehan nia iha Santu Inasio de Loiola, Kasait, segunda horseik (24/01).
Nia hatutan, total eskola iha Timor-Leste hamutuk 1,867 kompostu husi Ensinu Baziku to'o Ensinu Sekundariu Jeral inklui Eskola Tekniku Vokasional sira, ho ida nee MEJD espera katak iha tinan nee eskola hotu bele hala’o sira nia aktividade eskola nian ho diak.
Nunee, nia husu ba estudante sira atu uza didiak oportunidade ida nee, hodi esplora sira nia oportunidade matenek atu hatene liutan siensia ne'ebe sira aprende iha eskola.
Ho nunee, liu husi matenek mak bele dezenvolve nasaun RDTL ida ne'e, tanbá nee badinas aprende nafatin ho Espiritu, Inovativu no kreatividade.
Iha fatin hanesan, Diretór Eskola Santo Inacio de Loiola, Isaias Abilio Caldas, afirma, iha fatin ida nee eskola refere sei simu tan estudante hamutuk 170 husi EBC no ESG.
“Ita nia planu bá tinan ida nee ita sei simu estudante foun hamutuk 170, ho ida nee prosesu simu estudante foun mak hanesan estudante hotu feto ka mane tenke halo teste eskrita uluk, depois sira passa mak sira foin bele hakat ba iha intrevista oral ho inan-aman no estudante rasik,” dehan nia.
Nia esplika, materia ba halo entrevista ba inan-aman no estudante mak hanesan, matematika, portugués, ditado, ingles ho siensia naturais, husi teste nee rasik bainhira estudante ida aprovadu katak nia feto kaa mane liu iha teste ida nee mak foin bele tama iha eskola refere, hodi hala'o nia prosesu aprendijazen.
Asistente Editor: Saturnina da Costa
Independente Digital TV
Trending
Latest
Tuir ami iha Twitter
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261