Ministru Administrasaun Estatál, Miguel de Carvalho hatete, kada Postu Administrativu sira hatama ona proposta ba Munisipiu hodi hein fulan ida ne’e hahú implementa ona atu komunidade sira bele halo servisu hamos estrada kada ida-idak nia suku.

“Programa Mão de Obra Postu Administrativu sira hatama ona proposta ne’ebé mak governu halo ona iha 2022 para atu hamoos sidade Postu Administrativu sira, kuda ai-oan, la kleur tan programa ne’e sei implementa iha fim de fulan Marsu,” dehan nia ba jornalista sira hafoin tuir retiru membru Governu iha Ministeriu Finansa, (17/03).

Nia dehan,programa ne’e espera sei involve komunidade sira hamutuk Rihun 72  no kada loron ema ida hetan $5.00 dolar maibé ida ne’ebé mak halo supervizaun ne’e kada ema ida $7.00 dolar rotativu iha suku hotu iha territoriu tomak.

Nia haktuir,MAE garante ho Numeru tranballador hirak ne’e bele sufisiente ona para bele halo servisu hodi ajuda komunidade ne’ebé mak iha area rurais sira ne’ebé mak ladun hetan rendimentu hodi bele sustenta sira nia nesesidade loron-loron nian.