Nia dehan, hare ba numeru membru PNTL ne’ebe menus tebes hodi hala’o servisu iha liña fronteira, inklui iha kapital no eskuadra Polisia sira, tanba ne’e tuir planu iha tinan 2024 sei halo rekrutamentu ba membru PNTL foun.
Nia afirma, bazeia ba kalkulasaun ne’ebe iha, momentu ne’eba governu planu atu rekruta tan membru foun iha tinan 2023, maibé la konsege, ne’e duni governu foun iha tinan 2024 presiza duni halo rekrutamentu ba membru Polisia 700 to’o 800, tanba iha durasaun barak, Unidade barak, no postu barak tenki koloka sira polisia, maibe iha difikuldade iha eskuadra sira dadaun ne’e menus efetivu PNTL.
“Purtantu ita presija halo rekrutamentu, laos tinan ida nee, maibe iha tinan 2024, hau fiar katak sei bele realiza kreturamentu PNTL foun, tanba ita hatene katak tinan nee sei iha reforma mos, kuandu reforma ona, nee signifika, tenki halo rekrutamentu, obrigatoriu hodi kompleta hikas mmebru foun atu garante seguransa,”dehan Antonio Jornalista sira, hafoin partisipa Retiru VIII Governu kona ba Planu Nasionál Ordenamentu Territóriu iha Ministeriu Finansas, (17/03).
Nia hatutan, iha tinan kotuk planu tiha ona atu halo rekrutamentu, neebe fo sai tiha ona kuaze 720 , maibe la konsege halo, tanba governu foun mai mak sei planu oinsa atu halo efetivu membru PNTL foun hira ne’e depende ba politika governu foun nian.
"Maibe hau pesoal hanoin katak, se deit mak mai mos, prioriedade tenki halo rekrutamentu ba membru PNTL foun, tanba rekursu agora ne’e menus, membru polisia balun sei reforma seidauk konta sira iha mate ona ne’e entaun ida ne’e prioridade duni atu rekruta iha tinan oin,” hakotu nia.
Entretantu tuir dadus estatistika efetivu Polisia Nasional Timor-Leste (PNTL) iha 2000 to’o 2023 ne’e hamutuk rihun 4, maibe membru polisia ne’ebé lakon vida hamutuk 295 sira ne’ebe sofre hela moras labele halo servisu nain 70 no idade tama ona ba reforma hamutuk 195, tanba ne’e governu foun mai presiza duni halo rekrutamentu PNTL foun iha tinan 2024.
