“Projetu ne’e ho objetivu atu mellora prevensaun no seguransa rodoviária hanesan estrada no ponte, no kontribui hodi hamenus asidente tránzitu iha nasaun ne'e,”dehan Ministru Prezidensial Konsellu Ministru, Fidelis Leite Magalhães.

Governante ne’e dehan, ho alterasaun sira ne'ebé introdús ona, ne'e ho intensaun atu fó protesaun jurídika ne'ebé boot-liu ba ema sira ne'ebé utiliza dalan públika, ho objetivu atu adapta sistema ne'ebé vigora hela ho globál tuir nesesidade daudaun nian, iha prokura ba ekilíbriu entre ezijénsia ne'ebé aumenta ba beibeik tanba aumentu kontínua husi tránzitu.

Prosede armonizasaun di’ak ida no atualizasaun ba regra jurídika sira ne’ebé aplika ba tránzitu iha dalan públiku sira, nune’e mós densifikasaun no klarifikasaun ba matéria sira kona-ba prosesu kontra ordenasionál no ba atualizasaun montante multa kona-ba infrasaun Kódigu Estrada no ba ninia regulamentu sira.

Enkuantu, Dekreto-Lei nº 6/2003, 03  Abril, koalia kona ba Kódigu Estrada, no dekretu lei ne’e iha artigu hamutuk 172.