Novembru 23, 2024
Nasional

Prezidente Repúblika Kongratula Emprezáriu Lourenço de Oliveira Featured

By Marsu 22, 2023 431
Prezidente Republika, José Ramos Horta, segunda (20/03), inaugura  aviaun komersiál ho marka Aibus A320 husi Kompañia Aero Dili, ne’ebé na’in mak Emprezáriu Timoroan, Lourenço de Oliveira. Foto: Media Gabineti PR. Prezidente Republika, José Ramos Horta, segunda (20/03), inaugura  aviaun komersiál ho marka Aibus A320 husi Kompañia Aero Dili, ne’ebé na’in mak Emprezáriu Timoroan, Lourenço de Oliveira. Foto: Media Gabineti PR.

DILI: Prezidente Republika, José Ramos Horta, segunda (20/03), inaugura  aviaun komersiál ho marka Aibus A320 husi Kompañia Aero Dili, ne’ebé na’in mak Emprezáriu Timoroan, Lourenço de Oliveira.

“Parabéns ba Lourenço Ataúro, Lourenço na’in liurai Ataúro. Lourenço Ataúro ha’u koñese di’ak dezde tinan lubuk ida nia laran, dala ruma haré de’it. Ita nu’udar ema, ita mehi, balun mehi lor-loron, mehi atu halo ida-ne’e, mehi atu halo ida-ne’ebá, depois la halo mehi de’it. Balun mehi no buka ka’er metin realiza mehi ne’e, no Lourenço iha ne’e,” hatete Xefe Estadu.

Atu asegura investimentu aereo, Xefe Estadu, husu governu atu kria dekretu-lei ida, hodi bele fó apoiu ba empreza iha seitór aviasaun.

“Ha’u dezafia ha’u-nia kolega Doutór Fidelis Magalhães lori ba governu lori ba señór Primeiru-Ministru, maibé, la hatene lei permite imi atu última-hora, halo buat ruma ga la’e, halo dekretu lei ida, autoriza apoiu didi’ak ba aero Dili, depois ha’u promulga kedas, sé la’e governu foun mai tenki kontinua apoiu ida-ne’e,” tenik Prezidente Horta.

Aleinde ne’e, Xefe Estadu mós agradese ba Banku Nasionál Komérsiu Timor-Lese BNCTL, tanba bele finansia no fó apoiu ba inisiativa sira seitór privadu nian.

Entretantu, aviaun komersiál ho marka Airbus A320 no mós marka bandeira nasionál ne’e, to’o iha Aeroportu Internasional Prezidente Nicolau Lobato, iha tuku 8:56 dader otl, hafoin hala’o voo dahuluk husi Jakarta Indonézia mai Timor-Leste, no hetan bensaun husi Padre Domingos Alves.

Enkuantu, Aviaun Airbus A320 Aero Dili sei hala’o nia operasaun entre husi Dili-Denpassar Bali, Dili-Surabaya, Dili-Austrália, Dili-Filipina

Rate this item
(0 votes)
« PR Husu ba Embaixadór Reinu Unidu Atu Fortalese Relasaun Governu Extende Distribuisaun Sesta Bázika To’o 30 Juñu 2023 »
Saturnina da Costa

Jornalista Jornal Independente

https://independente.tl

Latest from Saturnina da Costa

back to top

Independente Digital TV

Trending

Latest

Tuir ami iha Twitter

Kalendariu Notisia

« November 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30