Prezidenti INSS Longuinhos Armando hatete, pagamentu ba idozus no invalides ba faze daruak iha tinan 2022 hamutuk benifisiariu na’in 100.832, kompostu husi Idozus na’in 91.396 no invalides hamutuk na’in 9.436.
Husi númeru ne’e, kompostu husi Munisipiu 13 inklui Rejiaun Administrativa Espesial Oekusi Ambeno (RAEOA).
"Sim pagamentu remata ona, lolos ne'e hotu iha fulan Fevereiru nia laran maibé kestaun tanba dalan kotu, ne'e mak foin realiza fila-fali hodi hotu iha fulan ida ne'e nia laran," dehan nia ba Online INDEPENDENTE , iha knar fatin INSS, Kaikoli, kuarta ne’e (22/03).
Prezidenti haktuir, ba reklamante sira, INSS seidauk simu relatoriu husi BNCTL, maibé bainhira iha reklamante ruma, INSS sei halo pagamentu adisional.
Enkuantu, orsamentu ne'ebé selu ona ba benifisiariu na’in 100.832 hamutuk montante hamutuk tokon $30 resin.
