Ministru Edukasaun Juventude no Desportu, Armindo Maia hateten, atu prodús uniforme nasionál tenke bazeia bá Dekretu Lei ne’ebé mak foin daudaun aprova ona kona-bá estatutu no jestaun ba eskola sira, aprova ona iha Konsellu Minstru (KM) maibé tenke hetan promulgasaun husi Prezidete Repúblika mak foin bele implementa.
“Agora daudaun ami prepara hela bainhira Prezidente Repúblika promulga ona, ita bele kria ona uniforme nasionál ba estudante sira iha territóriu nasionál,” nia hateten iha Palásiu Governu, Kuarta (22/03/2023).
Antes ne’e, MEJD fó-sai ona sirkulár ida atu eskola sira labele utiliza farda husi eskola nian hodi fó ba estudante sira, maski kleur maibé hein tanba ida-ne’e prossesu naruk tebes, la’ós fásil atu kria maibé sei hein tempu naruk.
