LAUTEM: Kandidatura Prezidente Repúblika (PR) númeru 16, Mariano Assanami Sabino Lopes, kompromete sei loke palasiu prezidensial ba povu tomak asesu ho livre hodi hato’o sira-nia preokupasaun.

AILEU: Koordenador ekipa susesu kandidatu Prezidente Republika, Constâncio Pinto ‘Terus’ husi Munisipiu Aileu, Venansio Soares Bernando, promte sei servisu makaas hamutuk ho juventude no inan-aman hodi lori vitoria ba kandidatu ne'e.

ATAURO: Koordenadór Komisaun Nasionál Polítika (CNP) Partidu FRETILIN Munisípiu Atauru, Cornelio Alve de Araújo deklara, militante husi Partidu CNRT iha Atauro afilia ba Partidu FRETILIN, tanba tinan 15 seidauk iha partidu ida ba halo kampaña iha ne'ebá.

ERMERA: Kandidata Prezidente Republika, Maria Angela Freitas, husu Ermera-oan sira labele matan delek no halai rame-rame ba kampaña ho komboi lori matan-been ba tinan liman oin mai.

AILEU: Lider másimu Partidu KHUNTO, José dos Santos Naimori Bucar hateten, kandidatu Prezidente Republika, Armanda Berta dos Santos, loke-aan ba publiku. Tanba ne’e, bainhira eleitu sai Xefe Estadu ema hotu bele vizita iha uma.

DILI: Kultura komunidade sira iha Lospalos, munisipiu Lautem, sita mós atensaun husi kandidatu Prezidente Repúblika númeru 5, Anacleto Bento Ferreira. Kandidatu PR ne’e konsidera tradisaun iha Lospalos sei lao ho nivel ne’ebé diferente tebes ho rai sira seluk.

DILI: Inistitutu Defeza Direitu Criansas (INDICA) fó atensaun maka’as ba Komisaun Nasionál Eleitor (CNE) atu tau atensaun maximu nune’e iha tinan 2023 ba kampaña Parlametnu Nasionál nian tenke bandu envolvimentu labarik sira iha kampaña.

BOBONARU: Kandidatu Prezidente Republika númeru 11, Constancio Pinto ‘Terus’ promete bainhira eleitu sai Prezidente Republika sei  propoin ba Governu hodi prioritiza hadia estrada sira iha area rural nune’e agrikultor sira bele lori sira-nia produtu asesu iha merkadu.

BOBONARO: Investimentu iha rai laran sai nu’udar fatór importante mós atu hasa’e ekonomia povu no nasaun nia. Tan ne’e, kandidatu Prezidente Repúblika númeru 5, Anacleto Bento Ferreira, sei esforsu hodi dada investor rai li’ur hodi investe iha Timor-Leste bainhira nia eleitu sai Prezidente Repúblika periodu 2022-2027.

DILI: Kandidatu Prezidente Repúblika númeru 5, Anacleto Bento Ferreira promete bainhira povu fó fiar ba nia sai Prezidente Republika, nia sei halo revizaun total ba servisu diplomata Timor-Leste nian ne’ebé haree liu ba meritu la’os politiku.