"Lori ita-nia militante sira husi Iliduadoru mai fali Fretilin, militante sira hatene katak iha Liadouro ne'ebá iha familia hamutuk 56. Votu 200-resin no tinan ida ne'e fó votu ba kandidatu númeru sorteiu 6," dehan nia, iha Munisípiu Atauru, Domingu (13/3).
Tinan ne'e eleisaun sei halo iha Liadouro, ho ida ne'e reprezenta militante partidu CNRT sira, militante balun ohin la mai, maibé militante Iliduadoru lubuk mak iha ne'e.
Suku Ailok 20
Militante husi Partidu CNRT, husi Aldeia Kulau Laletek, Suku Ailok, Postu Administrativu Kristu Rei, Munisípiu Dili, hamutuk 20 afilia ba partidu FRETILIN hodi fó votu ba partidu kandidatu, Francisco Guterres Lú Olo.
Portavós, José Villa Nova hateten, afilia daudauk ne'e sira hatene katak Lú Olo nia iha fuan boot tebes, tanba ne'e juventude husi Aldeia Kulau Laletek, hakarak fó votus direitamente ba Lú Olo.
" Ami ne'ebé ohin forma iha ne'e hamutuk 24, tanba fallanus iha balun ba hela servisu, maibé loloos ne'e hamutuk uma na'in 120," dehan nia, iha Kampu Bekora 744, horisehik.
Entretantu, Sekretáriu Jerál Partidu FRETILIN, Marí Alkatiri, fó benvindu ba militante sira husi Suku Ailok ne'ebé tama ba uma lisan FRETILIN.
Nia hatete, hotu-hotu mai iha ne'e atu konfirma tan dala ida katak prosesu tomak FRETILIN hahú 2006-2007 atu hametin no haburas lideransa ho povu komesa fó rezultadu ona iha Kristu Rei no Baukau iha fatin hotu-hotu.
"Tanba ne'e ha'u fó bemvindu ba militante sira ne'ebé tama ba ita hotu nia uma knua, ita hotu nia uma lisan katak FRETILIN, ita hotu iha ne'e atu halo saida atu konfirma ita nia apoiu ba Lú Olo re-kandidatura bá segunda vez Lú Olo ba Prezidente Repúblika ita mai konfirma ida ne'e," haktuir nia.
Nune'e, komesa prepara an besik ona periodu kampaña ninian iha loron 16, ohin iha Kristu Rei sei ba too Dom Alexo objetivu husi hela mensajen atu militante sira hotu organiza an ba loron 19.
"Ha'u hanesan Sekretáriu Jerál Partidu FRETILIN nian hamutuk ho ita nia aliadu sira ami hakarak iha loron 16 iha Tasi Tolu signifika tasi ne'ebé ita ba mean ho modok lori natál malirin iha Tasi Tolu," hatete nia.
Maibé ho objetivu ida de'it atu hasoru ba adversariu liu-liu manu mutin sira uluk karik agora araska tanba ne'e atu hatudu ba manu mutin sira ne'ebé agora ko'alia mangame loos.
