"Aileu-oan orgulho tebes bainhira nu'udar Aileu-oan ida kompete kandidatu aan ba Presidente Republika, orgullu nu'udar jerasaun foun hamutuk ho inan-aman sira sei fo vitoria ba kandidatu ne’e ", dehan nia, iha suku Oho-Lau, Postu Adminitrativu Aileu, Munisipiu Aileu, horisheik.

Nia hatutan, prontu esforsu hodi fo vitoria ba kandidatu ne'e, nune'e Aileu-oan bele sai nu'udar Prezidente Republika ba Timor-Leste.

"Ami-nia esforsu koko atu sai-tama uma hodi bele konsolida ami-nia familia no inan-aman sira atu bele Ita hotu koko lori vitoria ba kandidatu ne'e sai Prezidente Republika," tenik nia.

Tanba ne'e, koordenador ekipa susesu Munisipiu Aileu ne'e garante Aileu-oan sei fó vitoria ba kandidatu ne'e hodi sai Prezidente Rrepublika ba timoroan hotu.

Enkuantua, nia rekomenda ba kandidatu ne'e atu bele kria pás no dame ba juventude hodi bele kria unidade ba no estabalidade ba malu.

Kansela Kampana iha Hera

Kandidatu Prezidente Republika independente, Constancio Pinto, kansela mini kampana ho modelu dialogu ho Komunidade sira iha Postu Adminitrativu Metinaru, Munisipiu Dili.

"Horseik (Domingu 13 Marsu) tuir orariu CNE ne'e Hera ha'u kansela, tanba halo dialogu barak ona iha munsipiu seluk no komunidade sira iha Hera ha'u deside atu kansela," dehan nia.

Nia hatutan, kansela kampana ne'e mos tanba halo enkontru ho juventude sira iha Timor Plaza.

"Iha enkontru ho joven sira hodi ko’alia kona-ba programa ne'ebe bainhira sai mos ba Prezidente Republika sei lori benefiu ba joven sira," tenik nia.

Nune'e, kandidatura ne'e hato'o mensajen ba militante sira iha Hera atu  fo votu ba nia hodi sai Prezidente Republika.