"Ita la bele hakfodak ho ida ne'e,importante tebes ba sidadaun tenke proteje uluk nia direitu, la’ós mai asiste de’it kandidatu sira mai ko’alia politiku to'o ikus la implementa," dehan nia, iha Gleno, horisehik.

Durante hasoru krize oioin iha sira-nia ukun to'o ohin loron vitima sira halerik ba justisa, maibe seidauk hetan justisa ne'ebe justu.

Angela akresenta, iha problema injustisa sosial ohin loron povu hasoru, povu fa'an ai-han sira, produtu lokal iha lona no ai dodok nia okos ne'e hatudu momoos ukun na'in sira laiha kapasidade.

Nia dehan, saida mak ukun na'in sira halo ba povu ne'e krime hasoru povu rasik, krimi hasoru nasaun no labele tolera tan ida ne'e.

"Ita presiza transforma mentalidade oinsa desposita konfiansa votu ba iha ida ne'ebe iha responsabilidade, integridade atu muda situasaun iha rai laran," tenik nia.

Entretantu, ho situasaun atual iha rai-laran hare'e ukun na'in sira inves eduka povu maibe halo beik tan povu, tempo to'o ona atu hamriik metin hanesan sidadaun.

"Ita labele sai tan bainaka iha ita nia rain, rai ne'e pertensia ba timoroan, importante tebes tenkw fo prioriedade fo uluk ba sidadaun," dehan nia.

Hili lideransa Foun

Ekipa kandidatu Ângela, Elizer de Araujo, husu ba joven no inan-aman sira tenke hili lideransa foun hodi hadia povu nia moris.

"Karik ita hili sala mak tinan liman oin labele basa ita-nia reen toos, bainhira ita terus tanba tempu nia laran ha'u haleu munisipiu hotu-hotu haree povu ne'e terus duni," nia informa.

Elizer akresenta, nasaun desenvolve iha mundo tanba sira nia lideransa iha kapasidade,  iha Timor povu nafatin terus hanesan ne'e, ba ida halerik no ba ida halerik.

Pior liu tan povu balu tara aan tanba hahan laiha, ida ne'e lideransa sira moe ka lae, hotu triste ida ne'e, situasaun sira ne'e la merese la bele hetan.

Kansela Kampaña iha Oukusi

Kandidatu Maria Angela Freitas, halo mini-kampana iha sede nasional Dili, tanba tempu la permite atu halo kampana iha Oekusi.

"Ohin tuir loloos ha'u halo mini-kampana iha Oekusi, maibe ho kondisaun no la permite, ami halao mini dialogu iha sede nasional,” dehan nia, iha knaar fatin, Farmosa, horisehik.

Nia dehan, hotu hatene katak Oekusi fatin ne'ebe pontesial tebes, liuliu Pante Makasar ne'ebe sai portu internasional ligasaun Kupang, Atapupu, Bali no mos Surabaya.

Nia dehan, importante tebes nu'udar xefe estadu fo tau atensaun ba ida ne'e, atu nune'e nasaun ida komesa hadia kondisaun portu, aeroportu ne'ebe instala iha fatin ne’e.