DILI: Pasiente iha Hospitál Nasionál Guido Valadares (HNGV) hamutuk ho familia akompañamentu inklui pessoal saúde Hospitál Nasionál na’in 1.063 sei ezerse sira nia direitu ba vota liuhusi privalensia iha HNGV, Sabdu 19 Marsu 2022.

Diretór Administrasaun Finansas no Lojistika iha HNGV, Raul Humberto Gama informa,  dadus ne’ebé opsitál hatama ba STAE ne’e bazeia ba pasiente kama hamutuk 236 inklui ho familia akompañamentu 236.

“Entaun númeru ne’e ita soma hamutuk 472, númeru ida ne’e la inklui maternidade no emerjensia nian tanba materninidade no emerjensia ne’e nia númeru pasiente kada loron la fiksu, tanba pasiente sempre sai tama,” informa nia, iha nia knaar fatin, HNGV,  Kinta (18/03).

Alende ne’e nia informa, la’os de’it ba númeru pasiente no familia akompañamentu de’it, maibé mos funsionariu sira ne’ebé rotativu pikete iha loron 19, ne’e hamutuk hotu 373, inklui pessoal saúde hirak ne’ebé kartaun eleitoral husi munisipiu hamutuk hotu 218.

Husi númeru ne’e soma hamutuk fali ho pasiente no familia pasiente nian hamutuk na’in 1.063, nune’e espesial ba pessoal hirak ne’ebé kartaun iha munisipiu, HNGV labele autoriza fila ba ida-idak nia munisipiu tanba bele prezudika servisu atendimentu pasiente.

“Ho ida ne’e mak,  sira nia lista  ami submete hotu ona ba STAE atu bele haree hodi fasilita pasiente no familia pasiente sira inklui pessoal saúde iha Hospitál nasionál nian hodi vota de’it iha HNGV,”hatoo nia.

Entertantu, Diretór ne’e relata, númeru ne’e posibilidade boot sei aumenta tanba iha pasiente sira ne’ebé sei tama-sai, tanba ne’e ekipa saúde HNGV nian nafatin follow up, atu pasiente sira ne’ebé foin tama iha loron 19 bele tuir vota.

AILEU: Sekretariu Tekniku Administrasaun Eleitoral (STAE) Munisipiu Aileu identifika bulletin votus hamutuk 78 nakles uluk ona.

DILI: United Nations Development Programme (UNDP) apoiu komputadór sanulu (10) bá Komissaun Nasional no Eleisaun (CNE) hodi fasilita tempu votasaun iha loron 19 fulan Marsu, ema hotu bele akompaña prosesu apuramentu ho di’ak.

DILI: Relasiona ho eleisaun ba Prezidente Repúblika ne’ebé monu iha 19 Marsu, ohin (18/3) governu deside hodi fó tempu ba funsionariu públiku sira atu bele la tama servisu hodi prepara an tuir votasaun.

DILI:  Loron hirak molok eleisaun ba Prezidente Repúblika periodu 2022-2027 akontese, mosu informasaun balun kona-ba bulletin votus ne’ebé tu’u kuak ona. Informasaun ne’e ekipa susesu husi kandidatu Prezidente Repúblika númeru 14, José Ramos Horta, uza hodi hato’o sira-nia deskonfiansa kona-ba tentativa manipulasaun no liga ba ‘asaltu’ ba sede CNRT.

DILI: Komissaun Nasional Eleisaun (CNE) halo lansamentu ba instalasaun sentru apuramentu nasional ho plataforma dijitál ba eleisaun prezidensial periodu 2022-2027.

DILI: Primeiru Ministru, Taur Matan Ruak, husu ba populasaun sira iha territóriu laran tomak atu kontribui estabilidade no seguransa iha eleisaun prezidensiál, ne'ebé sei akontese, iha Sábadu (19/3).

DILI: Sekretáriu Tékniku Administrasaun Eleitorál (STAE) dismente mós informasaun ne’ebé fó sai katak ha bulletin votu kuak. Tanba orgaun ne’e garante nafatin tranparensia ba prosesu eleisaun prezidensial iha tinan ne’e.

DILI: Debate ba kandidatu Prezidente Repúblika na’in 16 ne’ebé organiza husi Komisaun Nasionál Eleisaun hamosu konkluzaun husi haree-nain sira ba kualidade husi kada kandidatu ne’ebé marka prezensa.

DILI: Tuir kalendariu ne’ebé Prezidente Repúblika dekreta, tempu ba kandidatu Prezidente Repúblika na’in 16 hodi hato’o sira-nia vizaun no misaun ba povu remata ona iha 16 Marsu, horseik.