Alende komputadór,oferese mós assessór sira ne’ebé di’ak tebesnune’e bele ajuda tabulasaun.

“Votasaun sei akontese iha loron 19 fulan Marsu, maibé rezultadu sira iha munisipiu sei mai to’o iha ne’e, nune’e bele assegura ema ida nia votu transferénsia ema tenke hatene no akompaña.Tanbá ita nia website mós iha ona, entaun ita hahú muda halo inovasaun foun hodi povu no eleitór sira iha responsabilidade,” Prezidente CNE, José Agustino Belo hateteniha salaun CNE, Colmera, Kinta (17/03).

Tabulasaun sira ne’e sei halo iha nasionál de’it no iha munisípiu STAE mak sei responsabiliza nune’e sira vota iha sentru votasaun ho nia rezultadu sei lori hotu mai iha munisipiu.

“Munisipiu Ida-idak sei hamutuk ho ekipa CNE, STAE no Fiskais sira hodi foti rezultadu iha munisipiu mak lori mai iha tabulasaun nasionál, hodi sira halo kontájen,” nia hateten.

Iha fatin hanesan, Reprezentante Prezidente PNUD Munkhtuya Altangerel agradese ba asisténsia professional PNUD nian, ne’ebé to’o ohin loron CNE no STAE ho susessu implementa ona prosesu nesesáriu sira ba eleisaun nian tuir planu.