Kuadru CNRT Mak Sei Substitui Xanana
DILI: Partidu Konsellu Nasionál Rekonstrusaun Timor-Leste (CNRT) iha tempu badak sei halo enkontru hodi foti desizaun hodi indijita membru kuadru ruma hodi subtitui, Xanana Gusmão, ne’ebé rezigna-aan husi kargu Ministru Konselleiru Ministru Ministru.
Tempu Badak Governu Sei Aprezenta OJE
DILI: Hafoin programa hetan aprovasaun husi Parlamentu Nasionál, VIII Governu Konstitusionál kompromete sei konsentra hikas ba Orsamentu Jerál Estadu (OJE) atu iha tempu badak bele aprezenta.
PM Taur Agradese ba Opozisaun
DILI: Primeiru Ministru VIII Governu Konstitusionál, Taur Matan Ruak, apresia deputadu bankada opozisaun FRETILIN ho Partidu Demokrátiku (PD), ne’ebé rekoñese no dezempeñu hodi kontribui ba Governu ne’e.
DILI: Xefe Negosiadór Prinsipál Delimitasaun Fronteira Marítima, Kay Rala Xanana Gusmão, sei marka tempu ho kompañia ne’ebé kaer obra mina matan Greater Sunrise hodi diskute kle’an nune’e iha solusaun.
VIII Governu Prioritiza Greater Sunrise
DILI: Iha períodu tinan lima nia-laran VIII Governu Konstitusionál sei haka'as-aan hodi implementa programa ne’ebé programadu ona.
TL-Australia Konkorda Kontinua Halo Diskusaun Konstrutiva ba Dezenvolvimentu Rekursu Greater Sunrise
DILI: Governu Timor-Leste ho Australia konkorda malu ona kontinua hala’o diskusaun konstrutiva kona-ba dezenvolvimentu rekursu Greater Sunrise, no hare’e ba ninia importánsia baTimor-Leste nian prosperidade.
Aliende ne’e, tuir komunikadu Gabinete Ministru Negósiu Estranjeiru no Kooperasaun, ne’e’e diario ne’e asesu katak nasaun rua (Timor-Leste ho Australia) ninia komitmentu ba seguransa rejionál no protesaun ba domíniu marítima ne’ebé nasaun rua kompartilla.
Diplomata na’in rua ne’e mós konkorda ona atu hametin liután sira-nian parseria ne’ebé kleur ona iha area seguransa no defeza, liuhosi hasa’e kapasidade iha área defeza, aplikasaun lei, intensifika no fahe informasaun ba malu.
Nasaun rua ne’e halo kompromisu atu hakle’an kolaborasaun iha seguransa marítima atu kombate ameasa komún sira hanesan krime transnasionál no iha protesaun ba rekursu marítima.
Ministru na’in rua ne’e konkorda malu ona servisu hamutuk iha pakote foun ida kona-ba empregu no inisiativa sira ba kresimentu ekonómiku.
Nota importansia husi dezenvolvimentu kompeténsia sira, loke kampu servisu no mobilidade laborál hodi apoia timoroan sira nia poténsia.
Selebra mós kontribuisaun husi inisiativa oin-oin hanesan Seasonal Workers Program, Australia Awards, no New Colombo Plan. hanesan parte ida hodi hafoun hikás parseria ekonómiku.
Ministru Negósiu Estranjeiru no Kooperasaun, Dionisio Babo Soares espresu ninia gratidaun no apresiasaun ba Austrália nia komitmentu ne’ebé kontinua suporta Timor-Leste iha area dezenvolvimentu sosiu-ekonómiku.
Enkuantu Ministra Negósiu Estranjeiru Australia Julie Bishop mós reafirma Austrália nian komitmentu nafatin sai parseiru dezenvolvimentu ida ne’ebé efikás no konfiável ba Timor-Leste.
Nia dehan, nasaun rua ne’e halo ona komprimisu ba Akordu Parseria Dezenvolvimentu foun ida hodi suporta Timor-Leste ninia prioridade sira ba dezenvolvimentu sosiál no ekonómiku.
TL-Australia Komitmentu Prioritiza Ratifikasaun Akordu Fronteira Marítima
DILI:Governu Australia ho Timor-Leste ho komitementu forte hodi kontinua tau prioridade ba ratifikasaun akordu fronteira maritima.
Iha deskusaun entre Ministru Negósiu Estranjeiru no Kooperasaun, Dionísio Babo Soares ho Ministra Negósiu Estranjeiru Australia, Julie Bishop MP, diplomata na’in rua ne’e apresia asinatura istóriku ba Tratadu entre Austrália ho Timor-Leste ne’ebé estabelese Fronteira Marítima iha Tasi Timór (Akordu Fronteira Marítima) iha Nova Iorke, iha loron 6 fulan-Marsu 2018.
Hafoin hasoru malu, segunda-feira, iha salaun VIP, Ministériu Estranjeiru Negósiu no Kooperasaun, Babo reafirma Timor-Leste nia komitimentu forte ba orden-bazeia ba regras internasionál no apresia Tratadu Fronteira Marítima no utilizasaun Komisaun Konsiliasaun independente UNCLOS nian hanesan testamentu ida kona-ba oinsa lei internasionál bele fasilita solusaun pasífika ba disputa sira.
Entretantu, Ministra Julie konsidera komitmentu sira ba kapítulu foun ida iha relasaun bilaterál ne’ebé sei hametin lasu no hakle’an liután kolaborasaun entre Timor-Leste no Austrália.
Nia rekoñese katak amizade entre nasaun rua ne’e metin tebes. Timor-Leste ho Australia halo komitmentu atu hafoun hikás parseria iha futuru, la’ós foka de’it ba iha relasaun bilaterál maibé foka mós iha servisu hamutuk iha rejiaun Indo-Pasífiku no iha mundu globál.
Timor-Leste ho Australia reafirma sira nian komitmentu ba parseria ida ne’ebé bazeia ba respeita mútua no fiar malu.
Ministru Negósiu Estranjeiru no Kooperasaun Timor-Leste, Dionísio Babo Soares, PhD.simu Honorável Julie Bishop MP, Ministra Negósiu Estranjeiru Austrália, husi loron 29 to’o 31 fulan Jullu, iha Díli.
Programa vizita, Julie Bishop hasoru malu ho Prezidente Repúblika, Francisco Guterres Lú Olo, Primeiru Ministru, Taur Matan Ruak no mós lider opozisaun, Dr. Marí Alkatiri no vizita projetu balun ne’ebé hetan tulun husi Australian Aid.
DILI: Ministra NegósiuEstranjeiru Australia Julie Bihop hala’o vizita kortezia ba Prezidente Repúblika Francisco Guterres Lú Olo, iha Palásiu Prezidente Nicolau Lobato, Segunda-feira loron-30 fulan-Jullu 2018.
DILI: Ministra Negósiu Estranjeiru HON. Julie Bishop MP hatete, Timor-Leste hanesan parseiru prinsipal Australia tanba nuudar nasaun viziñu rejional iha Sudeste Aziatiku no atu hametin liutan kooperasaun entre Australia ho Timor-Leste.
Xanana Rezigna, Taur Buka Ema Foun
DILI: Kandidatu Ministru Konselleiru Primeiru Ministru, Xanana Gusmão, haruka ona karta ba Primeiru Ministru, Taur Matan Ruak, hodi lakohi atu asume kargu iha Governu.
More...
Tempu Badak PN sei Retifika Tratadu FM
DILI: Governu Timor-Leste iha planu atu lori dokumentu tratadu Fronteira Marítima ne’ebé asina ona entre Estadu Timor Leste ho Austrália, ba Parlamentu Nasionál hodi diskute no retifika.
Deputadu Presiza Estuda Étika Polítika
DILI: Reprezentante povu iha Uma Fukun Parlamentu Nasionál presiza aprende siénsia polítika, bainhira iha prosesu diskusaun plenária tenke hatudu komunikasaun di'ak ba povu iha Timor-Leste.
Diretór Ezekutivu JSMP, Luis Oliveira Sampãio hateten, reprezentante povu sira ne’ebé iha Uma Fukun PN la merese hasai liafuan insulta malu, tanba ne’e fatin atu atu debate ho ko'alia asuntu polítiku ne’ebé ligadu ho povu ho Estadu nia ezijénsia.
DILI: Impase polítika ne’ebé mosu agora daudaun kontinua mosu iha nasaun ne’e tanba kontribui husi kandidatu membru governu na’in sia nian. Ne’e duni, husu ba sira atu ajuda hodi solusiona problema ne’e.
DILI: Ministra Negósiu Estranjeiru Austrália Julie Bishop sei vizita mai Timor-Leste sei hasoru malu ho entidade alta Estadu Timor hodi ko'alia retifikasaun tratadu fronteira marítima,
Independente Digital TV
Trending
Latest
Tuir ami iha Twitter
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261