CNRT ezijé ba KHUNTO atu tenke halo konferensia ida hodi “legaliza” desizaun sai husi AMP foun, Deputadu Bankada KHUNTO, Luis Roberto da Silva hatete, sira seidauk realiza konferensia extra-ordinaria tanba governu daualu sei mantein.

“Ate agora ami partidu KHUNTO seidauk hamosu konferénsia extra-ordináriu ida, tanba ami fiar katak governu daualu mantein nafatin,” dehan Luis.

Nia dehan, to’o ohin loron governu daualu la’o nafatin no hetan fiar husi Prezidente Repúblika Francisco Guterres Lú Olo.

 “Ita nia Prezidente Repúblika mós nafatin fó fiar ba oitavo governu ne'ebé lidera husi Primeiru Ministru Taur Matan Ruak, tanba ne'e ami KHUNTO mós hola parte iha laran, ne'ebé ami seidauk halo konferénsia extra-ordináriu par responde ba ezijensia ne'ebé mai husi partidu sira seluk," dehan Luis.