CNRT Konsidera PR Lu Olo Fó “Esperansa Falsu”

Novembru 22, 2024

CNRT Konsidera PR Lu Olo Fó “Esperansa Falsu” ^Featured

By Aquino Gomes Maiu 12, 2020 975

Vise Prezidente daruak Partidu CNRT, Virgilio Smith iha konferensia imprensa, segunda (11/5), iha sede CNRT. Foto Aquino Gomes/INDEPENDENTE

DILI: Partidu CNRT ne’ebé lidera husi Kay Rala Xanana Gusmão konsidera Prezidente Repúblika fó de’it “esperansa falsu” tanba la kumpre desizaun ne’ebé PR Lu Olo foti antes ne’e.

Vise Prezidente daruak Partidu CNRT, Virgilio Smith hatete, iha 6 Marsu 2020, PR Lu Olo simu audiênsia ho lider partidu politikus 6, no iha enkontru refere PR Lu Olo rekomenta atu parpol sira buka malu hodi buka solusaun ba impase politika.

Hafoin ida ne’e, Virgilio dehan, parpol 6 halo koligasaun foun ho naran Aliansa Maioria Parlamentar (AMP) no PR Lu Olo rekomenda ba parpol 6 ne’e atu haktuir rekezitus Lei Partidus Politikus.

Ho nune’e, parpol 6 idaidak realiza konferensia hodi aprova formasaun koligasaun AMP foun.

Maibé, hafoin priense rekezitus ne’ebé PR Lu Olo propoin, Virgilio dehan, PR Lu Olo to’o ohin seidauk fó resposta.

“Koligasaun AMP haruka dokumentus hotu ba Prezidente Repúblika hodi indijita MBX (Maun Boot Xanana) nu’udar Primeiru Ministru. Prezidente Repúblika fó hatene mai Koligasaun katak nia sei estuda, fulan rua tiha ona, to’o agora,” dehan Virgilio Smith, iha Sede Partidu CNRT, Bairu Grilhos, Segunda (11/05).

Rate this item

(0 votes)