Deputadu Bankada KHUNTO, Luis Roberto da Silva hatete, nu’udar xefe governu, PM Taur iha kompetensia hodi kompleta estrutura governu.

“Primeiru Ministru kuandu haree katak volume serbisu ne’ebé maka’as, maibé laiha ema atu prienxe fatin sira ne’e hodi servisu, entaun Primeiru Ministru iha kompetensia buka maneira oinsa atu kompleta oitavo Governu atu nune’e servisu di’ak liu tan,” dehan Luis iha Parlamentu Nasionál, Segunda (11/05).

Nia dehan, maske governu konstitusional daualu ne’e harii husi CNRT, PLP no KHUNTO, maibé partidu hirak ne’e laiha ona unidade no naksobu ona iha dalan klaran.

Tan ne’e, nia dehan, PM Taur iha kompetensia atu buka ema foun hodi prienxe fatin ne’ebé sei mamuk.

“Mekanismu Primeiru Ministru haruka ona lista membru governu, ne’ebé na’in lima husi FRETILIN no na’in ida husi PD, ne’e planu no estratejia Primeiru Ministru ninian,” dehan nia.