Tanba ne’e, pasiente na’in haat ne’ebé negativu iha teste dahuluk sei hein tan teste daruak maka nia rejultadu mantein negativu sira bele fila ona ba uma. Enkuantu na’in rua seluk mós sei halo tan teste daruak atu hatene nia rejultadu.

“Ema ne’ebé halo teste laboratóriu hamutuk na’in 952 no na’in 147 hein rezultadu laboratóriu,”dehan nia liuhusi konferensia imprensa iha CCD, ohin.

Nia informa, suspeitu sira ne’ebé rezultadu laboratóriu negativu hamutuk 781, pasiente ne’ebé rekuperadu mantein 22.

Abitante sira ne’ebé sei iha kuarentena hamutuk 91 kompostu husi Dili 60 no iha munisipiu 28 no na’in tolu (3) maka halo auto kuarentena iha Dili. Enkuantu liu ona loron 14 iha kuarentena hamutuk 2.177 kompostu husi Dili 1701 no iha munisipiu 476.

Nia apela ba públiku atu mantein nafatin medidas preventiva sira mantein distansiamentu sosial no kuidadu ijiene pessoal fase liman bebeik no uza maskara bainhira sai ba fatin públiku.