Iha akordaun ne’e, TR konsidera petisaun husi CNRT ne’e indifere tanba la priense rekezitus.

Turi TR, petisaun husi CNRT ne’ebé sita PR Lu Olo halo violasaun grave kontra obrigasaun konstitusional tama iha asaun krime ne’ebé presiza asinatura husi 2/3 deputadu PN.

“Nune’e, petisaun ne’ebé hatama asaun sivil, atu husu apresiasaun simples, maibé sira mós sita palavra grave iha laran, tama iha rekejitus krime, no presiza deputadu sira 2/3 foin lori asaun ne’e mai iha Tribunal Rekursu,” deklara TR iha akordaun ne’ebé INDEPENDENTE asesu, Tersa (12/05).

Iha fatin ketak, advogadu AMP foun, Manuel Tilman hatete, TR hasai ona akordaun no notifika ona ba parte sira.

“Notifika tiha ona, maibé ha’u iha 10 dias atu aprezenta petisaun inisial foun,” dehan nia.

Tilman hatete, iha parte kiik ida ne’ebé sira presiza kurize, liu-liu iha sitasaun artigu iha konstituisaun.