DILI: Maski oras ne’e prosesu akizasaun sei la’o, maibé, tuir planu, governu sei selu asaun kompañia ConocoPhillips no Shell Energy, molok loron 18 fulan Marsu tinan ne’e.
Governu Sei Muda Komunidade 200 Husi Estrada Ibun Rotunda Komoro Too Tasi Tolu
DILI: Tuir planu iha tempu besik Governu Timor-Leste sei koordena ho Komandu PNTL atu fó apoiu seguransa hodi governu implementa polítika loke luan estrada husi área Rotunda Komoro ba too Tasi Tolu.
ADN Tenke Superviziona Mega Projetu iha Suai
DILI: Deputadu FRETILIN Fabião de Oliveira rekomenda ba governu atu orienta Ajensia Dezenvolvimentu Nasional (ADN) hodi halo supervizaun diariamente ba mega projetu iha Suai.
Opozisaun Preokupa Mega Projetu Atinze 100%
DILI: Komisaun C Parlamentu Nasionál hato’o ona sira-nia relatoriu kona-ba mega projetu Suai-Kovalima iha plenaria PN. Iha relatoriu refere, Komisaun ne’ebé tratau asuntu Ekonomia no Dezenvolvimentu ne’e hato’o katak mega projetu refere daudauk ne’e atinze ona porsentu 100.
SERVE Simu Ona Proposta Fabrika Jeep no Elikoptru
DILI: Servisu Rejistu no Verifikasaun Emprezariál (SERVE) simu ona informasaun husi kompaña internasionál balun ne’ebé hakarak atu halo investimentu iha fabrika Jeep no Elikoptru.
Don Virgilio: Tempu atu Pauza Uitoan
DILI: Liu husi misa Sinzas iha Igreja Katedral Dili, Amu Bispu Dom Virigílio do Carmo da Silva husu ba sarani sira atu durante loron 40 nia laran halo jezun, halo di’ak, reza, no rekonsilia ho Na’i Maromak.
DILI: Primeiru Ministru Taur Matan Ruak preokupa Timor-oan sira ne’ebé iha tempu funu nia laran nakonu iha igreja, maibé ukun rasik an Igreja mamuk no joven barak mak dook husi Igreja.
Paixão:Embaxada Timor Buka Emília Pires La Hetan
DILI: Embaixada Timor-Leste iha Portugál simu karta husi Governu TL atu buka tuir paradeiru, eis-Ministra Finansas, Emília Pires, maibé sira buka la hetan tanba la rejista ona nu’udar ema timoroan.
DILI: Eis Funsionariu Públiku ida ho insial JBFAC tenke ba hatan iha tribunal tanba la entrega karreta estadu maske nia hetan ona demisaun ba kazu indisiplinar husi Komisaun Funsaun Públika (KFP).
Kazu ne’e la’os de’it dada JBFAC ba tribunal maibé lori mós arguida seluk ho inisial MC ne’ebé subtitui arguidu nia fatin hafoin hetan demisaun, tanba arguida MC asina karta autorizasaun atu karreta para nafatin iha arguidu JBFAC nia uma.
Arguidu JBFAC hetan fiar hodi assume kargu importante ida iha Institutu Nasionál Siensia Teknolojia (INCT) Ministériu Edukasaun (ME) iha 1 Outubru 2014.
Ho serbisu ne’e, ME entrega karreta ho marka Toyota Prado ho xapa matrikula 04 584 G ba arguidu atu bele fasilita ninia serbisu.
Iha 20 Jullu 2016, KFP foti desizaun hodi demite arguidu JBFAC husi funsionariu públiku tanba komete kazu disiplinar. Hafoin iha Outubru 2016, arguida MC hetan nomeiasaun hodi subtitui arguidu JBFAC.
KFP hasai desizaun ida ne’e relasiona ho desizaun Tribunal Munisipiu Dili (TMD) iha 1 Marsu 2016 ho númeru prosesu 0521/14 PDDIL ne’ebé kondena arguidu JBFAC ba krime administrasaun danosa, pekulatu, falsifikasaun dokumentus ka notasaun tekniku ho pena prizaun tinan 3. Maibé, tribunál suspende tiha ho kondisaun atu halo pagamentu ho montante $3,399.00.
Hafoin hetan karta demisaun, arguidu lori fila karreta estadu ba uma no la entrega to’o ekipa husi Komisaun Anti Korrupsaun (KAK) ba direitamente iha arguidu nia uma hodi foti karreta refere.
Liu husi audensia julgamentu iha TMD, sasin ida ho inisial CMC deklara ba tribunal katak arguidu JBFAC mak haruka atu para karreta refere iha nia uma iha area Santa Kruz.
Tuir sasin ne’e, hafoin arguidu hetan demisaun, arguidu kontinua mai tama serbisu no para karreta estadu iha nia uma.
“Tuir ha’u-nia koñesimentu arguida MC asume kargu hanesan Sekretaria Ezukutiva ba INCT tanba arguidu JBFAC hetan demisaun husi KFP,” dehan sasin iha tribunal, Segunda (04/03).
Tribunál adia julgamentu ba 11 Marsu 2019 tuku 11:00 dader hodi rona sasin husi Diretór Jéral Ministériu Edukasaun.
Kronoljia Kazu tuir akuzasaun MP
Ministériu Públiku (MP) liu husi ninia deklarasaun akuza arguidu JBFAC komete krime burla agravadu. Enkuantu, arguida MC komete krime abuzu poder.
Tuir mai akuzasaun husi MP:
Iha 20 Jullu 2016, KFP foti desizaun hodi demite arguidu JBFAC husi funsionariu públiku tanba komete kazu disiplinar.
Iha fulan Outubru 2016, arguida MC hetan nomeiasaun hodi subtitui arguidu JBFAC.
Iha 9 Agostu 2016, arguidu nia advogadu, José Texeira, halo rekursu irarkiu hasoru desizaun demite arguidu JBFAC hanesan funsionario públiku iha ME ba ba Prezidente KFP.
Iha 23 Setembru 2016, KFP hasai desizaun ho númeru 2191/2016 hodi mantein demisaun ba arguidu.
Iha 7 Outubru 2016, Diretor Jeral Administrasaun no Finansas ME, Antonino Pires, haruka karta ida ba arguidu JBFAC hodi husu entrega fali patrimoniu estadu ho prazu to’o 11 Outubru 2016, maibé arguidu la entrega.
Iha loron ne’ebé la apuradu, maibé iha fulan Outubru 2016 nia klaran, arguida MC hetan nomeiasaun hodi assume kargu Sekretaria Ezekutivu INCT.
Iha 28 Outubru 2016, arguidu JBFAC halo karta relatoriu entrega ba Sekretaria Ezekutiva, arguida MC, maibé realmente veikula refere la entrega nafatin ho razaun para fatin ba veikulu refere laiha.
Iha 1 Janeiru 2017, arguidu JBFAC prepara karta ida ho kontiudu autorizaun atu veikula refere para nafatin iha arguidu nia uma ho razaun INCT laiha para fatin ba veikula refere no veikula refere segundu maun ne’ebé presiza ema tau-matan.
Hafoin prepara karta refere, arguidu lori ba arguida MC hodi asina. Arguida MC simu no asina mediata karta refere.
Iha loron la apuradu, motorista ho inisial CMC ba arguidu JBFAC hodi hamanas karreta no tula arguidu JBFAC hafoin ba tula fali arguida MC iha Bairu Pite. Iha loraik CMC ba tula arguidu sira hafoin hatuun uluk arguida MC no ikus hatun arguidu JBFAC no para karreta iha ne’ebá. Karreta estadu ne’e para iha arguidu JBFAC nia uma durante fulan neen nia laran.
Iha 20 Abril 2017, ekipa husi KAK ba arguidu nia uma hodi foti karreta refere.
Ho hahalok ne’e, MP deklara, arguidu JBFAC no arguida MC hamosu prejuizu ba estadu tanba tula arguidu JBFAC ne’ebé la’os funsinariu ona.
DILI: Prime Minister Taur Matan Ruak has moved to try to ease concern about his cabinet vacancies by insisting his government is working effectively and can be trusted to implement the 2019 general state budget and annual action plan.
More...
Fulan ne’e, Mandatu Komisáriu Júlio Hornai Termina
DILI: Mandatu Komandante Jerál Polisia Nasionál Timor Leste (PNTL), Komisariu Júlio Hornai ho Adjuntu Komisáriu Faustino da Costa, termina iha loron 27 fulan-Marsu tinan ne’e.
FRETILIN Duun AMP Hakarak Hamamuk Fundu Petróleu
DILI: Bankada Partidu FRETILIN konsidera Governu Aliansa Mudansa ba Progresu (AMP) hakarak atu hamamuk Fundu Petrolíferu liu husi polítika alterasaun ba Lei Atividade Petrolíferu (LAP).
Kalbuadi Ba Estranjeiru, PN Laiha Koñesimentu
DILI: Deputadu Bankada Partidu Congresso Nacional Reconstrução Timor-Leste (CNRT), Francisco Kalbuadi Lay, ba fali estranjeiru ‘maski’ foin halo servisu semana ida de'it, iha Parlamentu Nasionál.
Loron 3 Marsu, Define Estratéjia Ba Ukun Rasik Aan
DILI: Iha loron 3 Marsu 1981, nu’udar loron istóriku liu husi konferénsia boot sai hanesan loron importante re-organiza-aan ba estratéjia polítika ai-laran nian ho objetivu atu Timor-Leste hetan independénsia.
Primeiru Ministru, Taur Matan Ruak hatete, loron ne’e importante hodi re-organiza estratéjia polítika ba ukun rasik-aan hafoin hetan derrota dahuluk husi Militár Indonézia hodi rezulta lideransa luta hanesan Saudozu Nicolau Lobato mate iha Kombate iha loron 31 fulan-Dezembru tinan 1978 husi Militár Indonézia.
Tanba tempu ne’ebá, Nicolau Lobato mós lideransa másimu sira seluk mós hetan oho durante 1977 to’o 1979, tanba militár Indonézia harahun baze apoiu totalmente iha tinan 1978.
“Iha loron 3 Marsu 1983 iha konferénsia define estratéjia tolu, ida alarga no amplia frente polítika, organiza povu, no desimina forsa vida inimigu nian, katak orienta ba sira ne'ebé Indonézia uza hodi kaer kilat hodi ajuda sira”, dehan PM Taur, iha Sentru Konvensaun Dili, Sábadu (2/3).
Eis-Prezidente Repúblika konta tuir, forsa armada ne’ebé rejistu hamutuk rihun 27, maibé barak mak mate no lakon tanba baze apoia rahun, ikus mai militár hamutuk 500 mak eziste ai-laran halo funu hasoru inimigu hodi defende ukun rasik aan.
Taur dehan, situasaun difisil maka mosu iha momentu ne'ebá, tanba lideransa polítika barak mate, populasaun pratikamente evakua ba vila no Indonézia proklama vitória, nune’e la permite gerrilleiru sira luta maibé esforsu timoroan sira iha vila laran mak haforsa gerrilleiru sira luta hodi hatún inimigu sira.
Nune’e, iha konferénsia loron 3 Marsu hala'o konferénsia nasionál hodi re-organiza estratéjia polítika hodi envolve timoroan hotu atu fó apoiu ba prosesu luta ba ukun rasik-aan, liuliu nomeia lideransa foun ba Comité Central FRETILIN no forma frente tolu hanesan diplomátiku, klandestina no armada.
Tanba ne’e, luta independénsia too agora sidadaun sivíl sira kontinua hamutuk ho lider nasionál sira luta ba moris di'ak, bainhira sidadaun ida lakohi kontribui nasaun ne’e sei nune’e hela de’it.
Independente Digital TV
Trending
Latest
Tuir ami iha Twitter
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261