DILI: Konflitu ne’ebé akontese entre apoiante husi Kandidatu Prezidente Repúblika, Francisco Guterres ‘Lu-Olo’ ho António da Conceição ‘Kalohan’, iha Rai-Kotu foin lalais, nu’udar inkapasidade husi lideransa sira.

DILI: Polisia Nasionál Timor-Leste (PNTL) prende motorizada husi apoiante kandidatu Prezidente Repúblika Francisco Guterres ‘Lu-Olo’ hamutuk 199, hafoin konvoiu fila husi kampaña iha Munisípiu Likisá, Domingu (5/3).

DILI: Polísia Nasionál  Timor Leste (PNTL) detein suspeitu na’in 1 iha sela, identifika tan suspeitu na’in lima ne’ebé involve iha konfrontasaun Rai Kotu foin lalais ne’e.

DILI: Apoiante sira ne’ebé uza atributu kandidatura Prezidente Repúblika, Francisco Guterres ‘Lu-Olo’ estraga uma komunidade Rai-Kotu, Aldeia Terra Santa, iha loron primeiru kampaña eleisaun Prezidensiál, Sesta (3/3).

Insidente ne’e rezulta uma 36 hetan estragu no ema na’in rua kanek. Joven na’in rua ne’ebé kanek identifikadu ho naran Virgílio de Araújo (18) kanek iha rentós no Roberto Carlos das Neves (14) kanek iha parte ain-tur.

Xefe Aldeia Terra Santa, Esperança de Jesus hateten, apoiante sira ne’ebé uza atributu kandidatura Lu-Olo halo agresaun fízika no anarkizmu ba komunidade sira hodi estraga uma ho sasán.

“Ami triste tebes ho asaun ne’ebé militante sira halo mai ami,” dehan nia, liu husi konferénsia imprensa, iha Aldeia Terra Santa, Sábadu (4/3).

Nia husu, Kandidatu Lu-Olo tenke responsabiliza ba aktu ne’ebé militante sira halo ba komunidade sira hodi rezulta sobu no estragu komunidade sira nia uma ho patrimóniu seluk.

Xefe Aldeia ne’e afirma, kauza ba akontesimentu ne’e tanba mobilizasaun masa husi Dili ba Gleno hodi hamosu konfrontasaun ba komunidade no vítima na’in rua maka hetan kanek ho agresaun ne’e.

Nia dehan, seguransa PNTL sira tenke hala’o asaun preventiva ba movimentu kampaña sira atu labele akontese konflitu.

Tanba ne’e, nia apela ba komunidade ho joven sira iha Aldeia Terra Santa atu labele tuur iha lurón ibun hodi provoka situasaun, no estrada ne’e públiku ne’ebé ema hotu iha diretu atu halo movimentu ba-mai.

Iha fatin hanesan, Xefe Suku Komoro, Eurico de Jesus dehan, daudaun ne’e prosesu kampaña eleisaun prezidensiál la'o hela. Tanba ne’e, kandidatu sira tenke halo komunikasaun ne’ebé efikás ho autoridade lokál sira hodi toma atensaun ba populasaun tomak.

Xefe Suku haktuir, komunidade nia uma 36 maka estragu, iha mós karreta estadu nian husi Ministériu Finansas (MF) ida, karreta Ministériu Solidariedade Sosiál (MSS) ida, inklui patrimóniu privadu maka hetan estragu.

Nia dehan, koordenadór partidu sira tenke fó orientasaun ba militante sira atu labele kria konflitu rezulta povu maka sai vítima.

Tanba ne’e, Xefe Suku husu ba órgaun ComissãoNacional Eleições (CNE) ho Sekretariadu Tékniku Administrasaun Eleitorál (STAE) tenke haree ba kazu ne’e tanba tempu kampaña ne’ebé atitude sira ne’e mai husi militante sira nian.

Iha Fatin hanesan Koordenadór Partidu Demokrátiku (PD) Suku Komoro, Manuel Ximenes da Costa hateten, iha partidu boot rua maka mai sobu komunidade sira nia uma ho panfletu kandidatura António ‘Kalohan’ nian iha estrada ibun.

Atitude sira ne’ebé militante partidu rua ne’e hatudu iha fatin públiku ne’e oinsá ho lider sira partidu rua ne’e nian, tanba ne’e tenke responsabiliza ba atitude sira ne’ebé membru sira halo ba komunidade sira nia uma.

Militante Partidu FRETILIN no apoiante Kandidatu Lu-Olo, Alexandre Belo bainhira dada-lia ho jornalista INDEPEDENTE hateten, molok sira arranka ba Gleno, joven sira husi apoiante Kalohan nian hamriik iha ofisina Rai-kotu nian halo ona provokasaun.

Ne’e duni, bainhira kampaña remata militante sira fila, iha Rai-kotu motór haat rua ne’ebé halai uluk ho bandeira FRETILIN hetan soke husi joven sira husi kandidatura seluk monu no sama tan bandeira FRETILIN nian.

Haree ba ida ne’e, militante FRETILIN hein malu hamutuk hodi futu lia ba malu hodi sobu uma no estagus sasán komunidade nian lubuk ida.

DILI: Membru Polisia Nasionál Timor-Leste (PNTL)-Unidade Polisia Fronteira (UPF) na’in rua hetan kaptura husi autoridade Indonézia nian tanba hatama kombustivel ilegál.

DILI: Dala barak ona partidu politiku sira aproveita ligasaun ho arte-marsiál hodi sai instrumentu kria konflitu, tanba ne’e Xefe Estadu Maiór F-FDTL, Majór Jenerál Lere Anan Timur aviza ba polítiku na’in sira atu hasees-aan husi hahalok ne’e.

DILI: Ró rua ne’ebé Governu sosa husi Xina hodi oferese ba Mariña Komponente Navál, FALINTIL-Forsa Defeza Timor-Leste (F-FDTL) la serve. Ró funu ne’e foin halo viajen dala ida de’it ba parte sul la utiliza kedas tanba aat.