Hafoin fahe stiker no observa direita merkadu Taibesi, kandidatu ba PR ne’e dehan, dalabarak nogosiante sira sempre okupadu ho negosiu hodi la asesu informasaun ba programa kandidatura Prezidente sira nian ba prosesu dezenvolvimentu.
Objetivu vizita negosiante ne’e, kandidatura númeru 8 dehan, hodi fahe programa Kandidatura PR nian ba negosiante sira atu bele akonpaña programakandidatura nia hodi hili tuir nia konsesnsia.
“Vizita Ita nia negosiante sira nia fatin atu nune’e sosializa hau nia programa sira ne’ebé iha ona,” Dehan nia ba Jornalista iha Merkadu Taibesi-Dili, Tersa (07/03).
Kalohan afirma, nudar kandidatura ba PR hakarak ka lakoi tenke vizita fatin públiku sira liliu merkadu atu rona negosiante sira nia inspirasaun no preokupasaun durante prosesu dezenvolvimentu lao iha TL.
Nia informa, nia mai la´ós atu haketak timoroan maibé atu halibur timoroan sira, hametin unidade nasionál], hametin soberania nasionál no a hatutan fundadór nasaun sira nia mehi.
komprimísiu prinsipál ,Kalohan nia dehan, sei promove diálogu nasionál entre instituisaun órgaun soberania no promove unidade nasionál entre timoroan sira hodi defende rikusaoin timor oan hotu no sai advogadu ba sidadaun hotu liliu ba povu kbiit laek.
Observasaun INDEPEDENTE iha tereinu nota katak negosiante iha merkadu Taibesi antusiasmu hodi simu kandidatura PR numero ualu ne’e.
Aleinde ne’e,Ekipa susesu Kalohan fahe bulletin votu ho kamizola inklui mos fotografia kandidatura Kolohan ba negossiante sira.
Sai Matan-Ibun ba Povu
Iha kampaña loron dahaat kandidatu númeru 8 Kalohan realize dialogu aberta ho Jornalista sira iha Otel VilaVerde –Vera Cruz –Dili, Segunda (06/03).
Iha dialogu aberta ne’e jornalista Nasionál sira husu ba Kandidatura Prezidente Republika Antonio da Conceição ‘Kalohan’ bainhira povu fó konfiansa sai Prezidente tenke sai matan no ibun ba povu.
Sai matan –Ibun ba povu ne’e atu hakbesik no vizita povu hodi rona preokupasaun no haelrik populasaun ba nesesidade baziku.
Hatan kestaun ne’e, Kandidaturaba PR kalohan kompromete hetan fiar husi povu sei sai prezidente ne’ebé ba povu kiak no mukit hodi sai aman nasaun ba povu nia matan, ibun no tilun, hodi hato’o halerik povu ba governu.
