Alkatiri dehan ida ne’e iha kampaña Kandidatu Prezidente  Republika, Francisco Guterres Lú-Olo iha Ainaro,  relasiona ho lideransa balun ne’ebe deklara ba publika katak nia iha partidu maske agora dadaun asumi hela kargu importante iha Estadu laran.

“Halo kampanha uza osan estadu nian, uza osan povu nian para atu halibur ema para harii partidu foun,” dehan Alkatiri.

Iha Timor Leste, Alkatiri dehan, ema balun pratika hela korrupsaun maibe sira sente katak laos korrupsaun.

“Bainhira uza osan estadu halo politika individual ne’e korrupsaun,” dehan Alkatiri.

A’at liutan, Alkatiri dehan, uza pozisaun hanesan independente hodi Lohi povu. Iha Timor Leste ne’e ema dehan katak, atu sai prezidenti  Republika tenke ema independente tanba kandidatu mai husi partidu ne’e dehan laiha sinpatia.

Alkatiri  hatutan, Kandidatu Lu-Olo  sai husi Prezidenti partidu para sai Prezidenti Republika ba povu tomak.

Tanba ne’e, LU- Olo sai PR, Akatiri dehan, la presiza tan ona, uza nia kargu hanesan PR atu tun ba povu atu hari kondisoens harii partidu foun.

“Lú-Olo iha partidu ida, partidu iha nia humutuk ona ho nia ran, partidu hola parte iha nia isin ona, agora nia uza nia neon (matenek) atu liberta povu ne’e husi mukit no kiak,” dehan Alkatiri.