Tersa (7/3), TDD loke julgamentu dahuluk ba kazu konfrontasaun entre apoiante kandidatu Prezidente Repúblika Francisco Guterres ‘Lu-Olo’ no António da Conceição ‘kalohan’, iha aldeia Terra Santa, Rai Kotu, Suku Komoro, Sesta (3/3), foin lalais ne’e.
Rezultadu husi konfrontasaun husi uma komunidade 36 hetan estragu, karreta tolu rahun, karreta governu rua no karreta privadu ida hetan estragu no mós joven na’in rua hetan kanek.
Maski arguidu hetan ona TIR, maibé prosesu investigasaun ba kazu ne’e sei kontinua la’o nafatin, ne’e duni seidauk bele deside sé mak sai autór loloos iha kazu ne’e.
Tuir kronolojia, kazu ne’e akontese bainhira apoiante kandidatu Lu-Olo fila husi abertura kampaña iha Gleno-Ermera, loron fulan 3 Marsu 2017.
Nune’e, bainhira konfrontasaun mosu, PNTL konsege kaptura no detein joven ida ho naran Augusto Fernandes iha sela eskuadra polisia Dom Aleixo, tanba deskonfia envolve konfrontasaun ne’e.
Audiénsia julgamentu ne’e prezide husi juis singulár António do Carmo, Ministériu Públiku reprezenta husi Nelson Carvalho, arguidu hetan asisténsia legál husi Defensór Públiku, Câncio Xavier.
