×

Atenção

JUser: :_load: Não foi possível carregar usuário com ID: 430

Alkatiri - Xanana Hamutuk Hasai Povu husi Kiak Featured

By Marsu 08, 2017 1727
Xanana, Alkatiri ho kandidatu Lu-Olo hala'o kampanye iha Gleno Ermera Xanana, Alkatiri ho kandidatu Lu-Olo hala'o kampanye iha Gleno Ermera

AINARO: Sekretariu Jeral Partidu FRETILIN Mari Alkatiri hatete, nia hamutuk ho Xanana Gusmão mak bele liberta povu husi kiak no mukit.

“Agora ita hamutuk tanba kauza ida , kauza mak atu kore povu husi kiak, atu hasai povu husi nakukun,” dehan Alkatiri.

Uluk lideransa no Povu timor leste luta ba kauza indenpendensia agora luta ba kauza libertasaun do povu.

Durante tinan 14 independensia, Alkatiri dehan, TL hetan dezafiu barak ne’ebé sidi ba sidi mai agora tenpu hametin paz no establidade.

“Agora ba futuru hametin paz, establidade haburas demokrasia para atu halao prosesu dezenvolvimentu,” dehan Alkatiri.

“Agora Alkatiri ho Xanana hamutuk tanba mai husi abut ida hun ida deit. Xanana rasik dehan Hau ( nia) Almamater mak Fretilin”. dehan Alkatiri

Alkatiri dehan, Xanana nunka nega Fretilin, Xanana harii partidu CNRT tanba atu kontribui ba hamoris no haburas tan demokrasia iha rai ida ne;e.

Tanba ne’e, Alkatiri dehan, iha kampanha eleisaun parlamentar, Xanana sei lao buka maubere sira iha foho no nia sei buka maubere sira iha tasi, eleisaun hotu hamutuk fali. 

Rate this item
(0 votes)
Last modified on Kinta, 01 Setembru 2022 20:53

Independente Digital TV